1 Osobo bagade dunu ea esalusu da sesesu dadi gagui dunu ea hawa: hamosu defele
2 Ea esalusu da udigili hawa: hamosu dunu amo da anegagima:ne,
3 Oubi uduli, eno uduli, na da udigili se nabawane esala.
4 Na da golai be sidagane esala.
5 Na da:i da fioso amoga nabai.
6 Na da hobea misunu dafawane hamoma:beyale dawa:lusu hamedene,
7 Gode! Mae gogolema! Na esalusu da mifo lai afadafa fawane agoai gala.
8 Dia da wahadafa na ba:sa.
9 -
10 Mu mobi da ba:lalu, hedolowane gilasi dagoi ba:sa.
11 Hame mabu! Na da hamedafa ouiya:mu!
12 Gode! Dia da abuliba:le na sosodo aligisala:?
13 Na da helefimusa: diala be golamu hamedei.
14 Be Dia da na beda:ma:ne simasia olelesa.
15 Amaiba:le, na da na da:i ganodini bu esalumu higasa.
16 Na da yolesimu galebe.
17 Dia abuliba:le osobo bagade dunu da mimogoayale dawa:sala:?
18 Dia da hahabe huluane ili abodelala.
19 Na defo hano ni da:gima:ne,
20 Di da nama se iasu diasu ouligisu dunu agoai gala.
21 Dia da na wadela:i hou hamedafa gogolema:ne olofoma:bela:?