1 Dia da Lifaiada:ne (hanome ohe fi agoai) amo dimani bese amoga gaguma:bela:?
2 Dia da efe amo ea migifu amodili sanasima:bela:?
3 E da masusa: dima adole ba:ma:bela:?
4 E da dima gousa:su ilegesu hamoma:bela:?
5 Di da e fofoi sio agoane, dia hawa: hamosu uda hahawane ba:ma:ne,
6 Dimani adosu dunu da e bidi lama:ne, bobolema:bela:?
7 Di da ea gadofo amo guisu asuni amoga magufamu dawa:sala:?
8 Di da e afaewane digili ba:lu, eno hamedafa digili ba:mu.
9 Nowa da Lifaiada:ne ba:sea,
10 Dunu da e ougima:ne didilisisia, e da mi hanaidafa ba:sa.
11 Nowa da e doagala:sea, se hame nabi ba:ma:bela:?
12 Na Lifaiada:ne ea emo ea hou dima adomu galebe.
13 Dunu huluane da ea dabua gadofo houga:mu da hamedei.
14 E da bese agesoi bagade gala.
15 Ea baligi da da:igene ga:su dadalesu amoga hamoi.
16 Afae afae da enoma gilisili disisibiba:le,
17 Ilia da noga:le gilisimusa: madelagiba:le, afafamu da hamedei.
18 Lifaiada:ne da hadisia:sea, hadigi agoai nene gala:sa.
19 Ea lafidili, lalu gona:su agoai gadili ahoa.
20 Ea mi gelabodili, lalu mobi
21 Ea mifoga lalu nema:ne fulabosa.
22 Ea galogoa da gasa bagadeba:le,
23 Ea gadofoa dibi asaboi da hame ba:sa.
24 Ea dogo da widi goudasu igi agoai, ga:nasidafa.
25 E da wa:legadosea, baligili gasa bagade dunu amolawane da beda:gia:sa.
26 E fofa:gimusa:, gegesu gobihei da hamedafa gala.
27 E da ouli, amo gisi defele, gasa hamedei ba:sa.
28 E da dadi gala:be amoga hobeamusa:; hame dawa:.
29 Ea ba:sea, gegesu gigi da gisi biole hagi agoai ba:sa,
30 Ea hagomo gagi da laga osoboga hamoi ofodo gagoudane fofonoboi defele ba:sa.
31 E da hano wayabo bagade, hano gobei dubu heda:be agoai
32 E da hano wayabo bagade da:iya ahoasea,
33 Osobo bagadega, e agoai hame ba:sa.
34 E da hidale, eno ohe fi huluane ilima ba:le gudusa.