1 Yoube da amane sia:i,
2 “Dilia da na fidiba:!
3 Di da nama fada:i sia: noga:idafa olelesase!
4 Dilia sia: huluane, nowa da nabima:bela:?
5 “Bogoi dunu ilia a:silibu osobo hagududi hano amo ganodini fofogosa.
6 Gode da bogoi dunu ilia soge ba:lala.
7 Gode da ga (north) mu amo gasi gagai.
8 Gode Hi fawane da mu mobi amo hanoga nabalesisa.
9 E da oubi ufa: amo mobiga uligilisisa.
10 E da gasi amola hadigi mogima:ne, osobo bagade dogoa sisiga:le dedenesi.
11 Fedege agoane, E da bada amoga mu udidili gaguia gadosa,
12 E da Ea gasaga, hano wayabo bagade hasalasi.
13 Gode Ea lafi holo da mu haisewe hamoi.
14 Be Ea gasa bagade hou da amo bagadewane baligisa.