1 Ilaifa:se da amane sia:i,
2 “Dunu afae da Gode fidimu hamedei.
3 Di da moloidafa hou hamobeba:le, Gode fidimu dawa:bela:? Hame mabu!
4 Gode da dima gagabole sia:sa amola dima fofada:sa.
5 Hame mabu! Dima fofada:su ea bai
6 Di da dia sama dima ea imunu muni ima:ne sesemusa:, ea abula huluane samogei.
7 Di da helebe dunuma hano hame dili i.
8 Di da gasa bagade amola mimogo hamoiba:le, soge huluane sasamogei.
9 Di da didalo uda ili fidimu higa:i.
10 Amaiba:le, di sa:ima:ne dogoi da di sisiga:i diala.
11 Gasi da bagadeba:le, di da ba:mu gogolei.
12 Gode da gadodafa Hebene ganodini esala.
13 Be di da amane sia:sa, ‘Gode da adi dawa:bela:?
14 E da mu da:iya gado ahoasea, E da mu mobiga uligiba:le, nini hame ba:ma:bela:?
15 Di da wadela:i hamosu dunu ilia eso huluane ahoasu logo amoga hanabela:?
16 Ilia wadela:mu ilegei eso da mae doaga:iwane,
17 Amo dunu ilia da Gode higasu.
18 Be Gode Hi fawane da ili bagade gagui ilima i.
19 Gode da wadela:i hou hamosu dunu ilima se dabe iasea,
20 Wadela:i dunu ilia gagui liligi huluane da wadela:lesisa.
21 Yoube! Di Godema olofole gousa:ma!
22 Ea dima olelebe amo lalegaguma!
23 Dafawane! Di fonoboiwane, Godema sinidigima!
24 Dia gouli huluane galadigima!
25 Gode Bagadedafa, E fawane da dia gouli amola silifa lelegela heda:i
26 Amasea, di da eso huluane Gode dafawaneyale dawa:mu.
27 Di da Ema sia:ne gadosea, E da dima dabe adole imunu.
28 Dia da, dia hamomu liligi huluane didili hamomu.
29 Gode da gasa fi gaguia gudulisisa.
30 Di da wadela:le hame hamosea, be moloidafa fawane hamosea, E da di gaga:mu.”