1 Ya:igobe da egefe huluane misa:ne sia:ne, ilima amane sia:i, “Gadenene gilisima. Na da dilima fa:no misunu hou olelemu.
2 Ya:igobe egefelali! Gilisima amola nabima!
3 Liubene! Di da na magobo mano amola na gasa gala.
4 Di da gasa bagade hano neda:i agoane.
5 Simiane amola Lifai da eyalali amola olalali fi esala.
6 Na da ela wamolegei sia: dasu gilisisu amoma hame gilisimu.
7 Ela ougi da gia:i bagade amola dodona:gi gala.
8 Yuda! Diolalali ili da dima nodomu.
9 Yuda da laione wa:me defele esala.
10 Yuda da Hina Bagadedafa amo ea dagulu gagui dagoi ba:mu.
11 E da ea dougi amo waini efe baligili ida:iwane gala amo ilima la:gisisa.
12 E da waini bagade nabeba:le, ea si da maga:me agoane ba:sa.
13 Sebiulane da hano wayabo bagade bega: esalumu.
14 Isiga ea hou da dougi (amo da udigili ea baligiga legesu
15 Be e da helefisu soge hahawane ba:sa.
16 Da:ne da ea fi ilima ouligisu dunu esalumu.
17 Da:ne da gasonasu sa:ya:be amo da logo bega: dialebe agoane ba:mu.
18 Hina Gode! Na da Dia gaga:sudafa ba:ma:ne ouesala.
19 Ga:de! Wamolasu dunu gilisisu da Ga:dema doagala:musa: misunu.
20 A:sie ea soge amoga ha:i manu ida:iwane ba:mu.
21 Na:badalai da ‘dia’ ohe fi amo da udigili hehenane lala, amo defele ba:sa.
22 Yousefe da udigili lalebe dougi amo da gufi hano gadenene esalebe agoane ba:sa.
23 Ema ha lai dunu da nimiwane ema doagala:musa: mabe.
24 Be e da ea dadi mae yaguguiwane gagusa.
25 Dia ada amo ea Gode da dima Fidisu esala.
26 Eno da fage (widi, bali, gagoma, naisi) amola sogea
27 Bediamini da gasonasu wa:me (wufi) defele esala.
28 Gadodili dedei da Isala:ili fi fagoyale galu. Amo sia: dedei da Ya:igobe ea fada:i sia:, ea bogomu gadenenanoba, ea mano afae afae ilima asigibio sia:ma:ne sia:i.
29 Ya:igobe da egefe ilima amane sia:i, “Na da wali bogole, na aowalali ilima gilisimu. Amaiba:le, na da:i hodo dilia na eda ilia uli dogosu amo gele gelabo amo Ifalone (Hidaide dunu) ea ifabi ganodini diala, amoga na da:i uli dogone salima.
30 Amo soge da Ma:gafila amo Ga:ina:ne soge ganodini amola Ma:melei moilaiga eso maba gusudili amoga diala. A:ibalaha:me da amo gele gelabo, ifabi amola bogoi uli dogosu hamoma:ne, Ifalonema bidi lai dagoi.
31 Amogai ilia da A:ibalaha:me amola idua Sela uli dogone sali. Amogai ilia da Aisage amola idua Lebega uli dogoi. Amola amogai na da Lia uli dogone sali.
32 Amo ifabi amola gele gelabo da Hidaide dunu amoga bidi lai. Amogai na da:i hodo uli dogone salima.”
33 Ya:igobe da egefe ilima ea fada:i sia: huluane dagoloba, e da diaguduli, bogoi dagoi.