1 Hina Gode da na da amo gogolosu gesami, amo Isala:ili hina bagade mano aduna dawa:ma:ne, amo hea:le ima:ne sia:i,
2 “Alia ame da laione wa:me aseme gasa bagade galu.
3 E da mano afae fofole, ema benea ahoasu hou olelei.
4 Soge fifi asi gala da ea hamobe nababeba:le,
5 Laione eme da ea mano buhagima:bela:le dawa:le ouesalu, be hamedei ba:i.
6 E da asigilaloba, laione wa:me wa:i amoma gegesenesa lasu.
7 E da gagili sali amola moilai bagohame mugululi wadela:lesi.
8 Fifi asi gala huluane da ema gegemusa: gilisi.
9 Ilia da e gagilia sanawane, Ba:bilone hina bagade amoma gaguli asi.
10 Alia ame da waini efe hano bega: bugi defele ba:i.
11 Ea amoda da gasa bagade alele, hina bagade hamoi.
12 Be ougi bagade dunu da amo waini efe loboga a:le fasili, osoba gisalugala:i.
13 Wali amo waini efe da hafoga:i soge, hano hamedei, amoga bugi.
14 Waini efe damu da lalu aligili, ea amoda amola fage da huluane nene dagoi ba:i.