1 “Di da a:fini ida:iwanedafa.
2 Dia semogofo da ononoi faigelei waini hanoga nabane,
3 Dia dodo da ‘dia’ ohe aduna lalelegei amola ‘gasele dia’ aduna agoane ba:sa.
4 Dia galogoa da ‘aifoli’ diasu sedade gagagula heda:i agoane ba:sa.
5 Gamele Goumi da gadodafa agoai, di da dia dialuma gadoba:le gadole ahoa.
6 Di da isisima:goidafa! Dia noga:idafa sasagesu hou
7 Di da gumudi ifa agoane, da:da:lole ahoa.
8 Na da dadi ifaba:le heda:le, ea fage faimu.
9 Amola dia lafi da baligili noga:i waini defele gala.”
10 Na da na sasagesu dunu ea:. Amola e da na hanasa.
11 Na dogolegei! Misa! Ani da hamega gadili amoga asili,
12 Ani da hahabedafa wa:legadole, waini efe sagai muni,
13 Di da ‘ma:nadala:ige’ ea gabusiga: noga:idafa nabimu.