1 Dunu da amane sia:i, “Na dogolegei amola na uda! Na da na ifabia golili sa:i dagoi.
2 “Na da golai dialoba, na dogo da nedigi dialu.
3 “Na da na abula gisa:i dagoi. Na da abuliba:le amo bu gasisa:lima:bela:?
4 Na sasagesu dunu da logo ga:suga lobo ligisi.
5 Na da e ganodini misa:ne momagei dagoi ba:i.
6 Na da na sasagesu dunu misa:ne logo doasi. Be e da asi dagoi ba:i.
7 Sosodo aligisu dunu amo da moilai bai bagade sisiga:ha lala, na ba:i.
8 Yelusaleme uda, dilia! Nama sia: ilegema!
9 “Saga! Dia noga:idafa ba:su da eno uda huluane baligisa.
10 “Na sasagesu dunu da noga:idafa ba:sa amola e da gasa bagade gala.
11 Ea odagi gadofo da osoboya:i amola hohona:boi.
12 Ea si da ‘dafe’ sio amo da dodo maga:mega dodofei
13 Ea ba: da ifabi amo da hedama:ne fodole nasu bugi amoga nabai defele,
14 Ea lobo da noga:le hamoi ba:sa amola ea lobo sogo gasisalasu
15 Ea masele da ‘a:laba:sade’ ganumu amo da gouli bai amoga sali agoane ba:sa.
16 Ea lafi da nonogosea hedasa. Na da ea hou huluane ba:sea, nodosa.