1 Ngan ado toaiua, Moses gisingada gid Israel tikado baunga ga oaine ila pan Maron.
2 Maron ipamatua gau ta urag kapei,
3 Maron ei eaba paraunga aea ede toa iura kapei.
4 Ei itado maron kapei Isip aea ele karis ga panua paraunga ad
5 Tad kapei irobi gid,
6 “O Maron, bagem oatai iura kapei tau ta ipasolan lem taranga.
7 Eao mamado gadae tau
8 Aoam uru iuso tad ta isum ga idae.
9 “Am miri itamatama tikeo,
10 Be eao uso aoam uru pakelede,
11 “O Maron, Deo eta pade mambe eao mao.
12 Eao patutui bagem oatai,
13 “Be ngan lem kadonga lolo isat aea ga mata tutui aea,
14 Be gid alu padengada toa tilongo ngan lem kadonga,
15 Gid madidnga togid Idom ga timataud ta laborad imangamanga.
16 Gid toa ngada oa ga timataud ga lolod ede ga ede.
17 O Maron, gid mambe eao lem abei kemi ede toa earum dadangai.
18 Maron, danga toa ngada ne ga idio eao bagemeai
19 Ngan ado toaiua, maron kapei togid Isip ele panua paraunga ad ga led karis ga karis itamatama tinasi gid Israel ga tila rabu ngan tad kapei, be Maron Deo ikado ta tad iluai mulian ga irobi gid. Be gid Israel tilalala ga tila tad irabuiai ngan tano mamasa.
20 Ta ngan ado toaiua, Aron iliu Miriam, taine toa ibabada Deo iaoa, ibada ele golo ta gid taine tinasi ei ta tibada led golo pade ta titoltol.
21 Ta Miriam ikado baunga ila pagid ga bedane:
22 Idio ta Moses ibada gid Israel ta titnan tad Singsingia ta tilalala ga tila ngan tibur modamodanga ieda Sur. Tilalala alele ngan tibur modamodanga irangrang ngan ado tol, be tigera eau eta mao.
23 Ga kus ta tiuot ngan eau ede ngan tibur Mara, be tirangrang ngan tiun mao, ngansa imana paipai. Ngan ipu toaine tiuato tibur toa oa ieda Mara.
24 Tota gid panua tiririak ngan Moses ta tikeo, “Gai ga aun saoa?”
25 Idio ta Moses iansaban ga ila pan Maron, ta Maron ipasolan ei ngan abei itul ede ienono. Moses ibada ta itado ga isulug eauiai. Tota eau toa oa imana iuot marilonga kemi, ta tirangrang ngan tiun.
26 Ta ikeo pagid, “Gau Maron Deo togimi. Oangga alongolongo lingeg ga akado kadonga tututui ngan gau matag ta alongo kemi leg apu toa ngada ne ga anasnasi, eine gid dibala papaeamao toa nakado ga iuot ngan gid Isip, eta ngan gid ga iuot ngan gimi mao ga mao tau. Ngansa gau Maron toa nakemikemi ami dibala.”
27 Ga kus ta tilalala ga tiuot ngan tibur Elim. Toa eoa eaumata sangaul igegea rua ienono ga abei det sangalima sangaul rua timadmadid. Tota gid Israel tirau saupu boloma ngan eau toa oa.