1 Isuibe Godi fuka maza binobino ijia ro vame binobino ijia e Godido vua vierafena kuaevo ijiebuo itire ijia asaerafa nuvuone ije vua kuariae.
2 Ro iviama maza ige Godi fu Fari fuone ije fu kuamo fu ume igia ruaema ijadufuo duvado ijia no vua kuarue. Ire boeje Godire Jesudo duvado ijia amaeriama areme kena vajamoga fu samuagiae.
3 Ro Jesu fuje fuka Godi vareki ijadufuo Godido sanaema maeje ije fuka vajae fuone ijia sanamo. Ro fure vua fuone ijadufuo daro ijia ire boeje bu saove gufia ro ume igia naovo ije samuagiamo. Godi fu Jesu Kuraesi kuamoga fu arina e boegiebuo ise ijia karaunia areme fu una Godi e ka ma daroki ijadufuo umui maeneke ijia fi.
4 Ijadufuo fu anera ije asidiana fuka ma e ireobo rei. Ro kuke fuje fuka ma Godido Fari ro anera ije buje bu baki.
5 Ijadufuo no ijiege ma vierafevo ijadufuo maeje Godi fu buki akae bu isuibe isoeva ijia fu naebe anera be kua,
6 Ro maza ije Godi fu Fari fuone besu ije kuaga fu ume igia ruakuveno ijia fu kuae,
7 Ro Godi fu anera ijiebuo ije fune kuke buki akae bu isoeva ijia ijiege kuae,
8 Ro Godi fu Fari fuone ijadufuo fu kuke buki akae ijia ijiege kuae,
9 Ro aeje aka vame maeje bu renoevo ijiaru oetuamo ro vame ise bu renoevo ije a ijuonemo. Ijadufuo oemarevo one ije Godi fu maema ijare fuka e guebuo oemarevo ije fu vajiaema ije ma asidiamano kuae.
10 Ro kuke fu kuae,
11 Ro rade ire boeje a amaeriaema ije buka ugone igege faraena ro bakirevake rove aeje ame uria ijia ijiege fi vake.
12 A ire boeje a amaeriaema ije aka ugone igege dabe davatoega bu una ni binobino reke. Rove aeje a una ni be rekuma baki ro ame maza boeje ijiege fivake.
13 Rove Godi fu anera fuone ijia be fu naebe ijiege kuae,
14 Ijadufuo maeje anera ije bu kavene ije Godido imevo ije fu kiaga bu maza boeje arina ume igia e ije Godi fu karauniamo ije ifejiavo.