1 Yinni Gusunɔ, wunɛ wi ɑ rɑ tɔnu mɔru kɔsie,
2 Wunɛ hɑnduniɑn siri kowo, ɑ seewo.
3 Sere sɑɑ yerɑ̀ kɑɑ n derɑ tɔn kɔ̃sobu bɑ n wɑ̃ɑ.
4 Wee be bɑ rɑ n tɔmbu kɔ̃sɑ kuɑmmɛ bɑ ɡɑri sɑɑrimɔ kɑ tii suɑbu.
5 Yinni Gusunɔ, bɑ wunɛn tɔmbu dɑm dɔremɔ
6 Bɑ ɡɔminibu kɑ sɔbu ɡoomɔ.
7 Bɑ mɔ̀, Yinni Gusunɔ kun sun mɛɛrɑ.
8 Bɛɛ ɡɑri bɑkɑsu, i n tii sɛ.
9 Gusunɔ wi u tɔnu swɑsu ɡirɑ, wiyɑ kun kpɛ̃ u ɡɑri nɔ?
10 Wi, wi u rɑ bwesenu sɛɛyɑsie, wiyɑ kun tɔnu sɛɛyɑsiɑmɔ?
11 Yinni Gusunɔ u tɔmbun bwisikunu yɛ̃.
12 Yinni Gusunɔ, doo nɔɔruɡiiwɑ wi ɑ sɛɛyɑsiɑmɔ.
13 Wɑhɑlɑn sɑɑ sɔɔ, u ko n wɑ̃ɑwɑ bɔri yɛndu sɔɔ
14 Yinni Gusunɔ kun win tɔmbu derimɔ.
15 Domi ɡemɡiiwɑ u koo siribu di.
16 Wɑrɑ u koo mɑn sɑnnɑ tɔn kɔ̃sobun mi.
17 Yinni Gusunɔ ù kun dɑɑ mɑn somi,
18 Yinni Gusunɔ, nɑ̀ n bɑ̃ɑrimɔ,
19 Bwisiku dɑbinu nù n wɑ̃ɑ nɛn ɡɔ̃ruɔ,
20 Yinni Gusunɔ, mbɑ n bɛɛ mɔɔsinɛ wunɛ kɑ siri kowo tɔn ɡowo
21 kpɑ bɑ n nɔɔ tiɑ mɔ̀ bu kɑ ɡemɡibu wɔri.
22 Adɑmɑ Yinni Gusunɔ, wunɑ ɑ sɑ̃ɑ nɛn ɡbɑ̃rɑ dɑmɡiru.
23 Kɑɑ de ben torɑnu nu wɔri ben wiru wɔllɔ.