1 Womu ɡe Asɑfu u kuɑ. U nɛɛ,
2 Gusunɔ, ɑ ku mɑri, ɑ ku mɑɑ wɛ̃rɑ.
3 Domi wee wunɛn yibɛrɛbɑ bɑ seewɑ,
4 Wee bɑ kɔ̃sɑ wesiɑnɑmɔ wunɛn tɔmbun sɔ̃.
5 Bɑ ɡerumɔ bɑ mɔ̀,
6 Wee bɑ wesiɑnɑ,
7 Beyɑ, Edɔmubɑ kɑ Isimɛɛlibɑ kɑ Mɔɑbubɑ kɑ Aɡɑribɑ
8 kɑ Gebɑlibɑ kɑ Amɔnibɑ kɑ Amɑlɛkibɑ
9 Asiriɡibun tii bɑ nɑ bɑ kɑ bu nɔɔ tiɑ kuɑ,
10 Yinni Gusunɔ, ɑ bu kuo nɡe mɛ bɑ Siserɑ kɑ Yɑbini kɑ Mɑdiɑnibɑ kuɑ Kisionin dɑɑrɔ.
11 Bɑ bu kpeerɑsiɑwɑ Eni Doriɔ,
12 A de ben sinɑmbu bu ɡbi nɡe sinɑm beni,
13 be, be bɑ rɑɑ ɡerunɑ bɑ nɛɛ,
14 Yinni Gusunɔ, ɑ bu suo ɑ kɑ doonɑ
15 A de bu dɔ̃ɔ mwɑɑrɑ nɡe mɛ dɔ̃ɔ u rɑ dɑ̃ɑ sɔ̃ɔ mwɛ,
16 A bu nɑɑ ɡiro kɑ ɡuru woo bɔkɔ.
17 Yinni Gusunɔ, ɑ bu sekuru dokeo,
18 A de bu sekuru wɑ,
19 Kpɑ bu ɡiɑ mɑ wunɛ turowɑ ɑ sɑ̃ɑ Yinni Wɔrukoo hɑnduniɑ ye sɔɔ.