1 Womu ɡe bɑ wom kowobun wiruɡii kuɑ. Ge wee.
2 I womu koowo win yĩsirun yiikon sɔ̃.
3 kpɑ i nùn sɔ̃ mɑ win sɔmɑ yɑ nɑnum mɔ,
4 Hɑnduniɑɡibu kpuro bɑ nùn yiirɑmmɛ.
5 I nɑ i Gusunɔn sɔmɑ mɛɛri ye u kuɑ.
6 U derɑ dɑɑrɑ ɡberɑ,
7 U bɑndu diiwɑ sere kɑ bɑɑdommɑɔ win dɑm sɑɑbu.
8 I Gusunɔ siɑro bɛɛ bwesenu kpuro.
9 Domi u bɛsɛn wɑ̃ɑru wɔrɑ.
10 Gusunɔ, ɑ sun doke lɑɑkɑri mɛɛribu sɔɔ.
11 A sun kpɛ̃ɛ yinɑ sɔɔ mɑ ɑ sun sɔmu bɑkɑnu sɔbi.
12 A derɑ bɛsɛn yibɛrɛbɑ bɑ sun sɔni,
13 Kon du wunɛn sɑ̃ɑ yerɔ n kɑ nun yɑ̃kuru kuɑ,
14 ni nɑ nun kuɑ nɛn wɑhɑlɑn sɑɑ sɔɔ.
15 Kon kɑ nun kɛtɛbɑ kɑ bonu yɑ̃kuru kuɑ,
16 Bɛɛ be i Gusunɔ nɑsie, i nɑ i nɔ,
17 Nɑ nùn nɔɔɡiru sue u mɑn somi,
18 Nɑ̀ n dɑɑ torɑru ɡɑru mɔ nɛn ɡɔ̃ruɔ,
19 Adɑmɑ u nɛn kɑnɑru swɑɑ dɑki u mɑn wurɑri.
20 Nɑ nùn siɑrɑ domi u nɛn kɑnɑru mwɑ.