1 Womu ɡe Dɑfidi u wom kowobun wiruɡii kuɑ. U nɛɛ,
2 Yinni Gusunɔ, wunɑ ɑ sɑ̃ɑ nɛn kuku yeru.
3 A mɑn swɑɑ dɑkio. A mɑn wɔro fuuku.
4 A mɑn kpɑro kpɑ bu wɑ mɑ ɑ nɑɑnɛ mɔ,
5 Mɛyɑ kɑɑ mɑn yɑrɑ sɑɑ tɑɑ ye bɑ mɑn bɛrien di,
6 Nɑ nun nɛn wɑ̃ɑru nɔmu sɔndiɑ,
7 Nɑ be bɑ bũnu sɑ̃ɑmɔ tusɑ,
8 Ko nɑ n wɑ̃ɑwɑ nuku dobu sɔɔ wunɛn durom sɑɑbu,
9 A mɑn wɔrɑ yibɛrɛbɑn nɔmɑn di.
10 Yinni Gusunɔ, ɑ mɑn durom kuo.
11 Wɑhɑlɑ yɑ mɑn ɡoomɔ,
12 Nɛn yibɛrɛbɑ bɑ mɑn sekuru doke,
13 Tɔmbɑ mɑn duɑri nɡe wi u ɡu.
14 Nɑ nɔɔmɔ kɔ̃sɑ ye tɔmbɑ ɡerumɔ nɛn sɔ̃.
15 Adɑmɑ Yinni Gusunɔ, wunɑ nɑ nɑɑnɛ sɑ̃ɑ.
16 Nɛn siɑn wɑ̃ɑru kpuro wunɛn nɔmu sɔɔrɑ tɑ wɑ̃ɑ.
17 A mɑn wunɛn yɑm bururɑm sɔ̃ɔsio.
18 Yinni Gusunɔ, nɑ̀ n nun sokɑ, ɑ ku de n sekuru wɑ.
19 A ku de wee kowobu bu ɡɑri ɡere,
20 Yinni Gusunɔ, wunɛn durom mu kpɑ̃,
21 Domi ɑ rɑ be bɑ nun nɑsie kɔ̃su,
22 Yinni Gusunɔ, wunɑ kon siɑrɑ,
23 sere nɛn lɑɑkɑri yɑ burisinɑ,
24 Yen sɔ̃, i Yinni Gusunɔ kĩɔ,
25 Bɛɛ be i yĩiyɔbu mɔ Yinni Gusunɔn mi,