1 I Yinni Gusunɔ siɑro.
2 Yinni Gusunɔ u Yerusɑlɛmu seeyɑmɔ.
3 U be bɑ nuki sɑnkire nukuru yɛmiɑsiɑmɔ.
4 U kperi ɡɑrimɔ mɑ u yin bɑɑyere yĩsiru kɛ̃mɔ.
5 Bɛsɛn Yinni u kpɑ̃, u mɑɑ dɑm mɔ.
6 Yinni Gusunɔ u rɑ wɔnwɔndobu nɔɔri.
7 I Yinni Gusunɔ siɑrɑbun womusu kuo.
8 U rɑ de ɡuru wiru tu wɔllu wukiri,
9 Wiyɑ u rɑ yɑɑ sɑbenu dĩɑnu wɛ̃,
10 Win nɑɑnɛ kun wɑ̃ɑ dumin dɑm sɔɔ.
11 Be bɑ nùn nɑsie kɑ be bɑ win durom yĩiyɔ, beyɑ u kĩ.
12 Yerusɑlɛmu, ɑ Yinni Gusunɔ siɑro.
13 Domi wiyɑ u rɑ wunɛn kɔnnɔn ɡɑmbon sɛ̃retii dɑm sire,
14 U rɑ de bɔri yɛndu tɑ n wɑ̃ɑ wunɛn temɔ.
15 U rɑ win woodɑbɑ nɔɔsie hɑnduniɑ sɔɔ.
16 U rɑ de nim kperuɡim mu nɛ,
17 U rɑ n ɡuru kpee ni kɑsi mɔ̀wɑ tiɑ tiɑ.
18 Ù n ɡɑri ɡeruɑ, nim kperuɡim mɛ, mu rɑ yɑndewɑ.
19 U win ɡɑri kɑ win woodɑbɑ kɑ win ɡere Yɑkɔbu wi bɑ mɔ̀ Isireli sɔ̃ɔwɑ.
20 U ǹ bweseru ɡɑru kue mɛ.