1 Womu ɡe Dɑfidi u wom kowobun wiruɡii kuɑ. Ge wee.
2 Yinni Gusunɔ, ɑ mɑn wɔro tɔn kɔ̃sobun nɔmɑn di.
3 Domi kɔ̃sɑ bɑ rɑ n bwisikumɔ ben ɡɔ̃ruɔ.
4 Bɑ rɑ ben yɑrɑ derewɑ nɡe wɑɑ.
5 Yinni Gusunɔ, ɑ mɑn tɔn kɔ̃so ɡbɑro.
6 Wee tii suobu bɑ mɑn yinɑ bɛriɑmmɛ.
7 Adɑmɑ nɑ nɛɛ, Gusunɔ, wunɑ ɑ sɑ̃ɑ nɛn Yinni.
8 Yinni Gusunɔ, ɑ sɑ̃ɑwɑ ɡbɑ̃rɑru tèn mi nɑ rɑ kuke n kɑ fɑɑbɑ wɑ.
9 A ku de tɔn kɔ̃son kĩru tu koorɑ.
10 Be bɑ mɑn kooro buremɔ
11 A bu dɔ̃ɔ wisio kpɑ ɑ de bu wɔri wɔru bɔkɔ sɔɔ
12 Wi u weesu mɔ̀ u ǹ tɑ̃simɔ tem mɛ sɔɔ.
13 Nɑ yɛ̃ mɑ Yinni Gusunɔ u rɑ wɔnwɔndo siriewɑ dee dee.
14 Geemɑ, ɡemɡibu bɑ koo nun tɔmɑ kpɑ bɑ n wɑ̃ɑ wunɛn wuswɑɑɔ.