1 Sɑ̃ɑ dɑɑrun womu. Ge wee.
2 Domi u wunɛ Yɑkɔbun Yinni dɑmɡii nɔɔ mwɛɛru kuɑ u nɛɛ,
3 u ǹ duɔ win kuu bekuruɡirɔ u sere nɛɛ,
4 U ǹ dom yĩbirimɔ, u ǹ mɑɑ doyɑmɔ
5 mɑ n kun mɔ u wunɛ Yɑkɔbun Yinni dɑmɡii wɑ̃ɑ yeru kuɑ.
6 Wee sɑ nuɑ mɑ woodɑn kpɑkororu tɑ wɑ̃ɑ Efɑrɑtɑɔ,
7 Su du Yinni Gusunɔn sɑ̃ɑ yerɔ, kpɑ su nùn kpunɑ.
8 Yinni Gusunɔ, ɑ seewo kpɑ ɑ nɑ mi ɑ rɑ wɛ̃re
9 A de wunɛn yɑ̃ku kowobu bɑ n ɡem swĩi,
10 A ku wi ɑ ɡɔsɑ yinɑ Dɑfidi wunɛn sɔm kowon sɔ̃.
11 Yinni Gusunɔ u Dɑfidi ɡem sɔ̃ɔwɑ kɑ bɔ̃ri u nɛɛ,
12 Bii be, bɑ̀ n win ɑrukɑwɑni yibiɑ,
13 Yinni Gusunɔ u Siɔni ɡɔsɑ.
14 Mɑ u nɛɛ, yɑ ko n sɑ̃ɑ win wɛ̃rɑ yeru sere kɑ bɑɑdommɑɔ.
15 U koo ye domɑru kuɑ,
16 U koo yen yɑ̃ku kowobu fɑɑbɑ ko.
17 Miyɑ u koo Dɑfidi wi u ɡɔsɑn dɑm sosi,
18 U koo de win yibɛrɛbɑ bu sekuru wɑ.