1 I swɑɑ dɑkio.
2 Yi yɔ̃ ɡunɡunu wɔllɔ swɑɑ bɑɑrɔ kɑ swɑɑ kɛɛnɑnɔ.
3 Yi ɡbɑ̃rɑmɔ ɡɑmbon bɔkuɔ wuun duu yerɔ
4 bɛɛ tɔmbu, bɛɛyɑ nɑ soku,
5 Lɑɑkɑri sɑribɑ, i de i n lɑɑkɑri mɔ.
6 I swɑɑ dɑkio, kon bɛɛ ɡɑri bɛɛrɛɡii sɔ̃.
7 Domi nɑ ku rɑ weesu ɡere, nɑ kɔ̃sɑ tusɑ.
8 Nɛn ɡɑri kpuro sɑ̃ɑwɑ ɡem,
9 Yi kpuro yi bururewɑ kpɑsɑsɑ bwisiɡiin mi.
10 I nɛn sɔ̃ɔsiru mɔɔ n kere sii ɡeesu,
11 Domi bwisi yi bɛɛrɛ mɔ yɑ kpɑ̃
12 Nɛ bwisi, nɑ rɑ ɡɑrin ɑsɑnsi tubu.
13 À n kĩ ɑ Yinni Gusunɔ bɛɛrɛ wɛ̃, ɑ de ɑ kɔ̃sɑ tusi.
14 Nɑ rɑ tɔnu bwisi kɛ̃, kpɑ n nùn lɑɑkɑri wɛ̃.
15 Nɛn sɑɑbuwɑ sinɑmbɑ kɑ bɑndu nɛni,
16 Nɛn somirun sɑɑbuwɑ sinɑmbu kɑ wiruɡibu
17 Be bɑ mɑn kĩ, nɑ mɑɑ bu kĩ.
18 Arumɑni kɑ bɛɛrɛwɑ nɑ tɔnu wɛ̃ɛmɔ
19 Nɛn ɑre yi sii ɡeesu kɑ wurɑn tii bɛɛrɛ kere.
20 Nɑ sĩimɔwɑ swɛɛ yì sɔɔ ɡem kɑ kookoo ɡeesu wɑ̃ɑ.
21 Nɑ be bɑ mɑn kĩ ɑrumɑni wɛ̃ɛmɔ
22 Yinni Gusunɔ u mɑn mɑrɑ u sere ɡɑ̃ɑnu kpuro tɑkɑ kuɑ.
23 Bɑ mɑn ɡɔsɑ bɑ yi yellun di n tɛ
24 Bɑ mɑn mɑrɑ bɑ sere nim wɔ̃ku kuɑ,
25 Bɑ mɑn mɑrɑ bɑ sere ɡuunu kɑ ɡunɡunu swĩi.
26 Sɑnɑm mɛ, Gusunɔ kun ɡinɑ tem tɛrie kɑ mɛn ɡbeɑ.
27 Sɑɑ ye u wɔllu tɛriɑmɔ
28 Sɑnɑm mɛ u ɡuru winu doke wɔllɔ,
29 Sɑnɑm mɛ u nim wɔ̃kun nim yɔ̃rɑ yeru sɔ̃ɔsi
30 nɑ wɑ̃ɑ win bɔkuɔ sɑ sɔmburu mɔ̀.
31 kɑ hɑnduniɑ sɔɔ.
32 Ǹ n mɛn nɑ, nɛn bii durɔminu, i mɑn swɑɑ dɑkio.
33 I sɔ̃ɔsiru wuro,
34 Doo nɔɔruɡiiwɑ wi u mɑn swɑɑ dɑki,
35 Domi wi u mɑn wɑ, u wɑ̃ɑru wɑwɑ,
36 Adɑmɑ wi u mɑn torɑ u tii kɔ̃sɑ kuɑwɑ.