1 À n ɡu mɑrɑ, ɑ rɑ nuki sɑnkirewɑ.
2 Goo sɑri wi u koo ɡɑri bɑkɑru ko u ɡen mɔru seeyɑ.
3 Wɑrɑn dibɑ nɑ nɛni, kon bu kɔsiɑ.
4 Wee nɑ mɑɑ kĩ n wure n kɑrɑku ɡen wɑsin kɑ̃ɑsi,
5 Wɑrɑ u koo kpĩ u ɡen ɡɔnɑ potɑ.
6 Wɑrɑ u koo kpĩ u ɡen nɔɔ bɑɑyɑ.
7 Gen birun koko wɔrukisu su sɑ̃ɑwɑ nɡe tɛrɛnu.
8 Su mɑninɛ, bɑɑ woo ɡɑ ku rɑ kpĩ ɡu mɑm kurɑ min di.
9 Su sɑ̃ɑwɑ nɡe mɑɑbu kɑ wɔnɔ be bɑ wɑ̃ɑ bɑ bɔkɑsinɛ bɑɑtum.
10 Gɑ̀ n sũɑ n dɑ n sɑ̃ɑwɑ nɡe dɔ̃ɔ buriyɑ yi yɑrimɔ,
11 N dɑ n sɑ̃ɑwɑ nɡe dɔ̃ɔ yɑri kɑ dɔ̃ɔ buriyɑ yi yɑrimɔ ɡen nɔɔn di.
12 Kpɑ n sɑ̃ɑre wiisu yɑrimɔ ɡen wɛ̃run di
13 Gen wɛ̃siɑru tɑ rɑ n sɑ̃ɑwɑ nɡe bɑ dɔ̃ɔ yɑbiɑmɔ,
14 Gen dɑm wɑ̃ɑwɑ ɡen wĩirɔ.
15 Gen ɡɔnɑ yɑ tɑu.
16 Gen woo sɔndu tɑ bɔɔbuwɑ nɡe nɛɛ mɛro.
17 Gɑ̀ n seewɑ be bɑ dɑm bo, bɑ rɑ nɑndewɑ,
18 Bɑ̀ n mɑɑ ɡu wɔri kɑ tɑkobi,
19 Gɑ rɑ sisu ɡɑrisiwɑ nɡe yɑkɑsu.
20 Bɑ̀ n ɡe tobɑ, ɡɑ ku rɑ dukɑ yɑkure.
21 Gɑ rɑ mɑɑ bokuru ɡɑrisiwɑ nɡe kɑbɑru.
22 Gen nukurun temɔ,
23 Gɑ rɑ de nim wɔ̃kun nim mu n bweebweenu mɔ̀
24 Mi ɡɑ sɑrɑ kpuro ɡen yirɑ yɑ rɑ sɔ̃ɔsirewɑ.
25 Hɑnduniɑ yeni sɔɔ, ɡɑ̃ɑnu sɑri ni nu sɑ̃ɑ ɡen yinni.
26 Gɑ rɑ yɛɛ kpuro tɑɑrewɑ bɑɑ yì n kpɑ̃.