1 Wee nɛn nɔni yi ye kpuro wɑ,
2 Ye i yɛ̃, yerɑ nɛn tii nɑ mɑɑ yɛ̃.
3 Adɑmɑ Yinni Gusunɔ Dɑm kpuroɡiiwɑ nɑ kĩ n ɡɑri sɔ̃.
4 Domi bɛɛ, weesɑ i rɑ n sekumɔ.
5 N dɑɑ burɑm bo i n mɑɑri,
6 Tɛ̃, i nɛn weeweenu swɑɑ dɑkio,
7 I tɑmɑɑ i ko i Gusunɔn biru yɔ̃rɑ kɑ weesu?
8 Bɛɛyɑ i ko i kɑ nùn yinɑ?
9 Ù n bɛɛ wɛ̃ɛrɑ i ko i nùn wɛ̃re?
10 Bɑɑ ì n win biru yɔ̃rɑ ɑsiri sɔɔ,
11 Win kpɑ̃ɑru tɑ ǹ bɛɛ bɛrum mɔ̀?
12 Bɛɛn ɡɑri sɑɑrinu nu sɑ̃ɑwɑ nɡe torom.
13 I mɑrio, kpɑ i de n ɡɑri ɡere,
14 Wee nɑ sɔɔru kpɑ, bɑɑ nɑ̀ n kon nɛn wɑ̃ɑru biɑn nɑ.
15 Gusunɔ ù n kĩ, u mɑn ɡoowo.
16 Yɑ koo kpĩ yu kɑ mɑn fɑɑbɑ nɑɑwɑ.
17 I swɑɑ dɑkio i nɛn ɡɑri nɔ.
18 Wee nɑ sɔɔru kpɑ n kɑ nɛn ɡɑri ɡere.
19 Wɑrɑ u koo kɑ mɑn sikirinɑ nɛn ɡem sɔɔ.
20 Gusunɔ, ɑ mɑn ɡɑ̃ɑnu yiru yeni kuo,
21 A mɑn wunɛn nɔmu swɛnyɑrio,
22 A mɑn sokuo, kpɑ n nun wurɑri.
23 Torɑnu nyewɑ nɑ nun torɑri.
24 Mbɑn sɔ̃nɑ ɑ mɑn biru kisi,
25 Wɑrɑ ɑ nɑɑ ɡire. Wuru ɡe ɡɑ kɑ woo doonɔ?
26 Mbɑn sɔ̃nɑ ɑ mɑn wɑhɑlɑ bɑkɑ yeni kpɛ̃ɛ,
27 Mbɑn sɔ̃nɑ ɑ mɑn yɔ̃rɑsiɑ nɡe wìn nɑɑsu bɑ bɔkuɑ kɑ sii yɔni,
28 Wee nɛn wɑsi yi dɑm dwiiyɑ yi sɑnkirɑ