1 I Yudɑbɑn sinɑ boko yɑ̃ɑ
2 Domi Mɔɑbun tɔn kurɔbu bɑ koo Aɑnɔɔn dɑɑru tɔburɑ,
3 Bɑ koo Yudɑbɑ sɔ̃ bu nɛɛ,
4 I sun mɔɔ bɛsɛ be sɑ kpikiru suumɑ Mɔɑbun di.
5 Sɑɑ ye sɔɔ, ɡoo u koo yɑri
6 Yudɑbɑ bɑ nɛɛ,
7 Tɛ̃ bɑ weeweenu mɔ̀ ben tiin sɔ̃,
8 Wee bɑ Hɛsibonin ɡberu kpɑɑnɛbɑ sɑnkɑ.
9 Tɛ̃ wee, nɑ sumɔ Sibimɑn resɛm ɡbɑɑnu kɑ Yɑsɛɛn sɔ̃.
10 Nuku dobu kun mɑɑ wɑ̃ɑ resɛm ɡbɑɑnɔ.
11 Nɛn wɑsi yi diirumɔ Mɔɑbun sɔ̃ nɡe mɔrɔku sɛrum.
12 Mɔɑbubɑ bɑ dɑɑmɔ ɡunɡunu wɔllɔ kɑm sɔɔ.
13 Gɑri yiniwɑ Yinni Gusunɔ u ɡeruɑ yellun di Mɔɑbubɑn sɔ̃.
14 Adɑmɑ tɛ̃, u nɛɛ, wɔ̃ɔ itɑ yɑ̀ n doonɑ kese, bɑ koo wi u bɛɛrɛ bo Mɔɑbuɔ ɡɛm, kɑ sere mɑɑ yen tɔmbu kpuro. Be bɑ koo tiɑ, bɑ ǹ ko n dɑbi, bɑ ǹ mɑɑ bu mɛɛrimɔ ɡɑ̃ɑnu.