1 Sísa Karáhéne aigaqnaréh síwíqmari mahraue kéhre.
2 Ébáráhmawe Áhísáhkine abowáe.
3 Súrawe Pérésareq Sérareqne sibowáe.
4 Árámiwe Ámínárápane abowáe.
5 Sámóniwe Póásine abowáe.
6 Sésiwe Tébíti anotah wahnáhné abowáe.
7 Sórómóniwe Áréóbóámane abowáe.
8 Ásawe Séhósápátine abowáe.
9 Úsíawe Sótámane abowáe.
10 Ésékíawe Mánásene abowáe.
11 Sósáíawe Séhóíákínireh ábárahnahnahne sibowáe.
12 Pábíróni marákórápéq mórítówana
13 Sérúbábérawe Ábíútine abowáe.
14 Ásórawe Sárókine abowáe.
15 Éríútiwe Éréásane abowáe.
16 Sékópawe Sósépane abowáe.
17 Ébáráhma míotaqtenue Tébítitaq seuwekue airápété itaréitaré ábáhnínáhnah míówe. Tébíti míotaqtenue Pábíróni marákórápéq mórítótaq seuwekue mó airápété itaréitaré ábáhnínáhnah míówe. Pábíróni marákórápéq mórítótaqtenue Karáhéga marakóipeq tutaq seuwekue mó 14 se ábáhnínáhnah míówe.
18 Sísa Karáhé maqmaro ehwéh teiníboq íráhro. Wenano Máhría Sósépaga ahreyabéútaq Sósépareq íre nogúyataq Manikáne Awanka iwíáh atowana kía míowe.
19 Sósépaga ahriahri peh kaweq sansánúwe. Wega meyanaú ahrégá kía mío ehwéh irena wega iwíáhéna, Mó wehreq nogoye éna Máhría ayehitéhneho éna wehuke míótaq íre ehweh atasa peh auwaníe íwíáhúwe.
20 Mira íwíáhúwana Maniká itene Wahnah míéhrabeq íópeqté ánínká áónáh atena wensabé, Sósépao, Tébíti kahnáh áníno, írátíahno. Manikáne Awanka iwíáh atéhrana Máhría kía míéhre. Minayabe we meweyabe íre áhreúno.
21 We animai maqmiahnana wega wehukene ahbabáq kaweraritena merirankéhe. Minayabe wenáwíq Sísae ato úwe.
22 Minayabe Manikánka iwíáh atowana wene ehweh irarú aninká mahraréna,
23 Írátíáhro. Wehreq íre nogu ahrárígá kía ména animai maqmiahnara Émánúérae atagéhe úwe. (Aisaia 7.14)
24 Sósépaga áónáhéna irigútaq itene Wahnah míéhrabeq íópeqté ánínká teawu ehwéh sehgiena Máhría meyowe.
25 Wega mewena Máhríaga ani íre maqmiotaq Sósépaga peh míowana animai maqmarowana Sísae áwíratowe.