3 tãlâ õjílã ãzâ ãlô ãnî lãfálé ꞌásĩ õzó úlı̣́ Ôvârí kâ âyé lâŋõ drí sĩ. Gõꞌdá nĩ nı̣̃ kpá trá lạ́tı̣̂ ãmákâ ãní bê rî rĩꞌá lâŋõ kâ ꞌî.
4 Kậyı̣̂ ãmâ drí âꞌdózó drẽ ãní bê tólâ rî, mã pẽ úlı̣́ rî ꞌdĩ trá sı̣́sı̣́ ãnî drí. Mã kĩ nĩ rî, nĩ âꞌdô kpá lâŋõ ûsúꞌá.
5 Gõꞌdá ĩtí rî, tã ı̣̂sũ-ı̣̂sũ ãmákâ ãnî tãsĩ rî drí ꞌdẽzó lîbálé ạ́ngı̣́ ró. Gõꞌdá ãmâ drí Tĩmátĩyã rî jõzó ãnî ngáá tólâ, tãlâ tã lẽlẽ ãníkâ ꞌbãlé trá rî ârízó bê sı̣́lı̣́ lâ ꞌásĩ, ngã tí ãꞌdô trá tólâ ángô tí yã rî. Mâ rĩꞌá ũrı̣̃ ró, tãlâ má ı̣̂sũ tã kĩ nĩ rî, Sãtánã âꞌdô ãnî âdóꞌá. Gõꞌdá ꞌdĩî, tí tã ãmákâ ꞌẽlé trá tólâ nã âꞌdô âꞌdóꞌá ápé fạ́rạ́ngạ́ngạ́ ró.
6 Gõꞌdá Tĩmátĩyã âgõ drẽ kpá trá ãnî ngá lésĩ. Gõꞌdá gólâ drí tã âtázó ãmâ drí tã lẽlẽ ãníkâ Ôvârí ꞌá gõꞌdá kpá õjílã lôvó bê rî tãsĩ. Gõꞌdá nĩngá sĩ, Tĩmátĩyã rî gógó drí ngãzó kpá tã âtálé kĩ nĩ rî, ãnî ãâꞌdô drẽ zãâ rĩꞌá tã ı̣̂sũ bê ãmâ tãsĩ âꞌdólé ãnî drí lậmû-ãzíyã pạ̃tı̣́ı̣̃ rî ró. Gõꞌdá drílâ ngãzó tã rî ꞌdĩ pá lâ âtílí kĩ nĩ rî, nĩ lẽ ãmâ ndrẽlé kpá nyé õzõ ãmâ drí lẽrẽ ãnî ndrẽlé rî kâtí.
9 Mã ꞌê ãwô-ĩtí ãmbá ãmbá Ôvârí drí ãyĩkõ ãnî drí ãmâ ꞌbãzó trá ꞌá lâ ãndrõ nô tãsĩ.
10 Ãmâ rĩꞌá drẽ zãâ ãwó ngõꞌá mbârâkã sĩ Ôvârí drí, mã gõ ró kpá bê ãnî ngálâ tã ãzâ ngĩlí ạ̃tı̣́ ꞌálâ ãnî pãzó.
11 Mã ngô ãwó Ôvârí ãmâ átá drí gõꞌdá kpá Kúmú ãmákâ Yésũ bê kĩ nĩ rî, gólĩyî nyãányâ ũnjı̣̃ lạ́tı̣̂ trậ ãmâ drí nĩzó bê cãlé ãnî ngálâ.
12 Gõꞌdá Ôvârí ãmákâ rî õꞌê ãnî, ãnî lôvó ꞌbãlé ãnî vó ꞌásĩ lậvũlı̣́ kôrô ngbãângbânõ rî drı̣̃ı̣̂ sĩ, gõꞌdá kpá ãnî ꞌbãlé âꞌdólé õjílã ãzí lôvó bê ãkí ãkó ãnî ꞌá, kpá té õzõ ãmâ nyãányâ drí âꞌdórẽ ãnî lôvó bê rî kâtí.
13 Bê trá ĩtí rî, Yésũ õsõ mbârâkã ãnî ꞌá, tãlâ ãmâ átá Ôvârí õndrê ró ãnî bê õzõ õjílã íyíkâ âꞌdó ꞌbá ĩyî tã õnjí ãkó rî ꞌbá yí kâtí, ı̣̃tú Kúmú ãmákâ Yésũ drí âgõzó õjílã íyíkâ bê ndrĩ rî tú.