1 Wasina bi Mosis da Isrel damdi Yawe God biidi mmko ayinama sikabepepa, mma naboni sitawora,
2 Yawe God na kagu wiiwiita maragasina na
3 Kana waghawagha na Yawe God
4 Ijipt kana kiiwawo yana seriyot da iyo tomotomogha
5 Bi rarima wautapudi isowodi;
6 Oo Yawe God, katiiyam na ivimaragata kirakii;
7 Tam wiisuwona kugekirakii na
8 Yawiimma yegii kuveni na
9 Bi aviya damdi siwona bo, ‘Kanaverakwavinidi,
10 Bi gegha da, yawiimma yegii kuvenatatabi
11 Yawe God, god tana meme tam naboni bo? Gegha!
12 Tam katiiyam kukoghasi ikanibu,
13 Yam nuwayuyuna nuwakayowaninama, kuvisuwona na naboni da,
14 Dam mududi awaki kuberana sisiyidi siwaiyana na naghara ikabidi.
15 Idom kubura kana dogadogara sinaghara kirakii;
16 Naghara ghamanakina tupadi debadiye ibeku.
17 Yawe God, tam kunakabirughuvedi
18 Yawe God na inikiiwawo waghata.”
19 Isrel damdi yegii sirughuwoneni tanawa kanakananagha sipepewa. Bi raghanine Ijipt kana kiiwawo yana hosi da seriyot bi kate seriyot kadi babada yegii kamone siyowogha, na Yawe God rarima ikabiwiiveramayi da tupadi isowomumudi.
20 Eron toghanaru Miriyam na peroveta wasikena tana. Bi inawa gisina ikabi bi wasiwasike mududi yawata sikanibu da inavidi gisigisidi siyarourouwa bi siyarikuriku.
21 Miriyam mma naboni itawora,
22 Wasina bi Mosis, Isrel damdi ivinaghovedi da Yegii Idurina sikuyoveni bi sinagho sirughu Sur mayabine. Bi gabudara aroba mayabe sipepewa bi getana rarima siyabananina.
23 Bi raghanina sipiika Mara kubure na rarima sibanani, bi damina na ibero kirakii na gerubana siyaniuni (Noko biidi gawarina sikwatuveni Mara).
24 Na wawaya Mosis biidi siyagwinigwini, siyawonawona bo, “Katana awaki tananiuna?”
25 Na Mosis wiiwiita kiiravine irupari Yawe God biidi na kii raghana gisina iviyeveveni. Raghanina Mosis kiina raghana ivitavenayowoyeni rarima kamone, na rarimina iwaratete ninina kiiravine.
26 Na iwona bo, “Memeda yagu sisiya konawaiyana wiimasi bi yagu noghota miisedi konakivina da yagu gwara konakabisisiredi, na gubagidi mayimayiyidi gegha anaveremina ware Ijipt damdi averedina. Tagu na Yawe God, iiyabo yaberami da koyawa.”
27 Muriye na sipiika Elim kubure. Noko gawarine na wusira yadi 12 bi kate notuveya kiidi yadi 70. Bi nama rarima ririne sivitaki.