1 Fey rupalu kom tüfachi dungu, pefiñ ta ka kiñe werken püllü petu nagpalu ta wenu mapu. Niey fentren pepiluwün, fey mapu ta pelonmalewey kisu tañi alofün mew.
2 Newentu dungun mew wirarkümekey:
3 Itrokom fütrake trokiñ mapu mülechi pu che ngollikay reke engün,
4 Ka kiñe dungun allkün ta wenu mapu, feypilu:
5 Kisu engün tañi yafkan rume ngülpüray, fey puwi reke ta wenu mapu,
6 Chem tañi elukefiel ta kakelu, kisu ka femngelu elungepe.
7 Elufimün tañi rume kutrankawael chumngechi ta kisu mallmawi
8 Feymew, kiñe antü mew akuay ñi lan ka ñi lalkawün ka ñi nien ngüñün,
9 “Tüfachi mapu mew mülechi pu longko ülmen epuñpüle ka welukonke ñiwaluwi ta kisu mew ka chalintukuwi engün tati wesa fill femmeken mew, feymew ngümayengeay engün ka etüngün mew kutranduamyengeay ta kisu. Peñmanagle engün tañi pitrun tañi lüfkonün mew.
10 Alü kamapu müleweay engün ñi llükafiel mew tati kutrankangen, fey feypiay engün:
11 “Itrokom mapu müleyechi pu neosiante ka femngechi ngümayay engün ka rume weñangküyeafi ta tüfeychi waria, ngewenoalu am iney tañi ngillañmayaetew engün tañi fendekeelchi chemkün:
12 tañi fentren oro, pülata, ayüfalchi kura, llümllümchi perla, linu kümeke dewman takuwün, seya pañu, purpura pañu, ka itrokom mamüll kümeke nümünngelu, ka kümeke foro kulliñ, kümeke trafla, fronse chemkün, pañillwe chemkün, marmol,
13 fentreken kanela, küme nümünngechi chemkün, insienso, mira, perfume, pulku, aseyte, kümeke rüngo ka kachilla, fentreken kulliñ yekelu chemkün, ufisa, kawellu, kareta, kenü püresukona, che tañi mongen kütu.
14 “Fey feypiafi engün tati waria che: ‘Dew niewelaymi tati ipeelchi kümeke fün anümka tami rume illutukefel. Chumkawnorume ta pewetulayaymi tami rumeñma adelkaniekefetew ka tami rikungekefel.’
15 Tati pu fendekefulu ta tüfeychi chemkün rikuy engün tati waria che tañi duam, fütra kamapu müleweay engün tañi llükafiel mew, fey tati kutrankangen, ngümalen ka etüngkülen.
16 Ka feypiay engün:
17 ¡Fey kiñe lelen mew müten ta aftuy ñi rume fentren chemkün!’
18 Fey ka, pefilu engün ti pitrun ñi petu lüfün tati wirari engün:
19 Fey widpütuy engün ñi longko trufür mapu mew, ngümalen ka etüngkülen ka wirarkülen:
20 Eymi, kallfü wenu, ayüwnge ta tüfachi waria tañi duam.
21 Feymew kiñe pepiluwünngechi werken püllü witrañpürami kiñe kura, kiñe fütra molinu kura femngelu, fey ütrüftukufilu ta lafken mew, feypi:
22 Chumkawnorume allküngewelayay tami kalle mew arpa musika, flawta ka trompeta.
23 Chumkawnorume ta wilüfwelayay ta eymi mew chem küde pelontuwe no rume,
24 Fey tüfeychi waria mew wütrulngey tati pu pelon wentru tañi mollfüñ ka tati pu koneltuleyelu Ngünechen tañi pu trokiñche mew,