1 Ypyno exiko, Ritonõpo, ypyno exiko!
2 Ritonõpo Imehxo Exikety kohmãko ase;
3 Kapu poe jezuhnõko mana, ypynanohnõko mana;
4 Tapuruse ywy jepetõkara a;
5 Ritonõpo, imehxo oehtoh enepoko kapu ao,
6 Ahno apoitoh tyrise jepetõkara a japoitohme,
7 Oenetupuhkehpyra ase, Ritonõpo,
8 Apakako, ukurohtao! Ykyryry tõ haapa,
9 “Ritonõpo, kure mase,” ãko ase ahno tõ rãnao.
10 Yna pyno oehtoh kaetokohxo sã mana kapu pokona.
11 Ritonõpo, imehxo oehtoh enepoko kapu ao.