1 “Kure mase, Ritonõpo,” sykatone!
2 Ritonõpo eahmatoko, emero inenyohtyamo,
3 Eahmatoko, xixi te, nuno maro;
4 Eahmatoko, kapu tomo kaehxo exiketomo, tuna tõ roropa kapu epoehme aexityamo!
5 Ah Kuesẽkõ eahmã toto, eya tyripose toto,
6 Eya tyripose toto, jũme tosao xine toto ehtohme;
7 Kuesẽkõ eahmatoko, sero nono põkomo emero:
8 Kuesẽkõ eahmatoko, nenenehkane konopoimo topuxikiri sã exikety te, kuenimã topuru akurũ kehko, tyryrykane jamihmã tomo aomipona exiketomo.
9 Eahmatoko, ypy tomo somohmãkõ roropa,
10 Eahmatoko, onokyro tõkehko okyno tõ roropa!
11 Kuesẽkõ eahmatoko, tuisa tomo ahno tõ maro
12 Kuesẽkõ eahmatoko, nuasemãkomo oryximãkõ roropa, tamuhpomãkomo poetohti mãkõ roropa!
13 Ah Ritonõpo Kuesẽkõ eahmã toto emero porehme,
14 Typoetory Izyraeu tõ tyripose eya kokoro rokẽ jamihmehxo toto ehtohme.