1 Ritonõpo, wenikehpyra exiko Tawi poko,
2 Wenikehpyra exiko aomihpyry poko oya, Ritonõpo Jamihmehxo Exikety, Jako Esemy, ynara tykase ahtao:
3 “Ytapyĩ taka ytopyra ase jynyhtoh taka oseremase;
4 ataxikara ase jynyhtohme,
5 Ritonõpo esary onyripyra ro jahtao,
6 Perẽ po turuse ynanexiase Ritonõpo õmihpyry ẽ poko, moro tonese yna a ona Jearĩ po.
7 “Ehmaropa Ritonõpo tapyĩ taka, seahmatone apõ ẽpataka,” tykase yna.
8 Osehko Atapyĩ taka, Ritonõpo, õmihpyry ẽ maro, ajamitunuru enetupuhpotopo, moroto ehtohme jũme!
9 Ah oturuketõ zae ehtoh poko rokẽ nexĩ toto; ah opoetory tõ nykohtã toto atãkyemaryme!
10 Ritonõpo, õmiry mekaroase opoetory Tawi a;
11 Onetapohpyry Tawi a onytyoromara mana: “Opoenõ wino toiro menekãko ase tuisame ehtohme omyakãme.
12 Mame zae omũkuru tõ ahtao, ynetapohpyry
13 Ypy Xião tymenekase Ritonõpo a;
14 “Taro jesaryme exĩko mana jũme;
15 Jerusarẽ põkomo a ise toto ehtoh ekarõko ase pitiko rokẽ pyra; tymõkomokãkara a tonahsã ekarõko ase tãkye toto ehtohme.
16 Kure rokẽ oturuketõ nyriry tõ rĩko ase,
17 Taro toiro Tawi pary rĩko ase tuisa imehxo,
18 Mokyro zehno exiketõ poremãkapõko ase,