1 Oeahmãko ase, Ritonõpo; mynyhme rokẽ pyra exiko!
2 Jyhxirõko popyra exiketõ mã toto,
3 Popyra jehtoh ekarõko mã toto, ymaro osetapãko mã toto typoko xine pyra jahtao ro.
4 Jyhxirõko mã toto, typyno xine ro jahtao,
5 Ynyriry kurã epehmãko mã toto popyra ehtoh ke, ipyno xine jehtoh emetakamãko mã toto yse pyra toehtohkõke.
6 Ritonõpo, popyra exikety imenekako
7 Mame tapiakase ynororo ahtao,
8 Ah jepekara norihno nuaseme ro tahtao.
9 Ah ipoenõ poetõpome nexĩ toto,
10 Ah ipoenõ tytapyĩke pyra nexĩ toto,
11 Ah imõkomohpyry emero tupuxihkasẽme nexino inepehmary epehmatohme!
12 Ah imehnõ ipyno pyra nexĩ toto,
13 Ah ipoenõ norihno toto, ipakomotyã roropa
14 Ah Ritonõpo wenikehpyra nexino itamuru tõ
15 Ah Ritonõpo wenikehpyra nexino iirypyrykõ
16 Ynara exiryke: kure ehtoh onyripyra nexiase
17 Popyra ehtoh enehpory se nexiase imehnõ
18 Torẽnase ynororo popyra ehtoh enehpory
19 Ah inyripohpyry enahpỹme nexino zupõme samo, imetỹ earyme sã roropa.
20 Ritonõpo, moro sã jepetõkara epehmako, xihpyryme ykerekeremananõ roropa.
21 Yrome, Ritonõpo Jesemy, kuakorehmako
22 Ywy ase tymõkomoke pyra, omise ase roropa;
23 Okynã pyra ase jerutume samo kohmãsasaka ahtao;
24 Otuhpyra jehtopõpyryke tuhke, jesekumuru tõ
25 Jeneryhtao imehnomo a ypoihtõko mã toto,
26 Kuakorehmako Ritonõpo Jesemy!
27 Jepetõkara a zuaroh kamexipoko:
28 Ypona popyra ehtoh enehpõkõ mã toto,
29 Ah jepetõkara typoremãkasẽme nexĩ toto,
30 Opore, “Kure mase,” ãko ase Ritonõpo
31 tymõkomokãkara ewomaryke eya,