1 Etatoko ke! Tuaro ehtoh kohtãko mana:
2 Tuaro ehtoh ypy emory po mana te, osema ehpio roropa,
3 Pata omõtoh po mana, omõtoh apuru tõ pũto kohtãko mana:
4 “Oya xine oturũko ase porehme,
5 Poetome ro mase, zae ehtoh waro nymyry pyra ro mase.
6 Etatoko pahne, jomiry zae mana;
7 Ynekarory oya ajohpe pyra mana;
8 Jomiry oya emero zae mana;
9 Tuaro exiketomo a emero tupime pyra enetuputyry;
10 Otato exiko ãmorepatoh poko ya; parata se hkopyra exiko.
11 “Ywy ase Tuaro ehtopo;
12 Ywy ase Tuaro ehtopo;
13 Ritonõpo omipona awahtao popyra ehtoh se pyra mase.
14 Ynyriry poko osenetupuhnõko ase,
15 Tuisa tõ akorehmãko ase tuisame aehtohkõ poko, kowenu poko erohketõ akorehmãko ase inyripotyã kurã ritohme.
16 Kowenu tõ erohnõko mã toto akorehmaryke ya, tamuximãkõ te, tuisa tõ porehme takorehmase ahtao ya erohnõko mã toto.
17 “Imehnõ pyno ase ypyno toto ahtao; jupiryhtao ahno a jeporỹko mã toto.
18 Tineru nae ase, imehxo ehtoh roropa, mõkomo kurano te, emese kure ehtoh roropa zae apiakary poko, enara.
19 Ynekarory oya uuru kurã motye kure mana,
20 Zae ehtoh poko exiketõ esemary ae ytõko ase,
21 mõkomo kurã ekarõko ase ypyno exiketomo a,
22 “Ywy, tuaro ehtoh tyrise Ritonõpo a apitoryme,
23 Ywy tyrise pakehxo, apitoryme,
24 Tonuruse ywy tuna konõto tõ exipyra ahtao ro,
25 Tonuruse ywy ypy tõ exipyra ahtao ro,
26 sero nono onyripyra ro Ritonõpo ahtao,
27 Moroto exine kapu tyrise ahtao eya esaka,
28 Moroto exine akurũ tyrise ahtao eya kapu ao,
29 tuna taunuhmapokehse ahtao eya,
30 Morara ahtao imaro exine, akorehmaneme sã inyriry poko.
31 Atãkyemãko sero nono tõkehko poko,
32 “Naeroro, aimo tomo, etako pahne!
33 Ãmorepatopõpyrykõ poko wenikehpyra ehtoko.
34 Jomiry etaneme awahtao tãkye exĩko matose:
35 Tapoise jahtao oya isene exĩko mase,
36 Yrome japoipyra exikety ataosanumãko mana.