1 Sero nase Ritonõpo omiry, inekarohpyry Joeu, Petueu mũkuru a.
2 Etatoko ke, tamuximãkomo!
3 Opoenõkõ zurutoko sero popyra ehtoh poko,
4 Akurũ sã tooehse, itamurume akurũme sã tooehse taparara tõ rokene,
5 Apakatoko toetỹse exiketomo!
6 Taparara tõ tooehse toto, tuisa konõto soutatu tõ samo, tuhkehxo,
7 Uwa zoko tõ kynarykahpyrykõ tonahkase eya xine wikeira tõ roropa tonahse eya xine.
8 Oxitatoko oryximã samo,
9 Oturuketõ Ritonõpo poetory tõ xitãko mã toto Ritonõpo Tapyĩ tao
10 Tupito tõ po ona po roropa otyro tõ pyra toehse exiryke,
11 Emynyhmatoko tupito poko erohketomo;
12 Uwa zoko tõ toorihse mã kehko wikeira tõ roropa;
13 Oturuketomo, apoto apõ poko erohketõme matose,
14 Imoihmãkõ eahmatoko Ritonõpo Tapyĩ taka toto ytotohme!
15 Moro ẽmepyry oehnõko, myhẽ mana!
16 Anakorehmasaromepyra sytatose,
17 Tupito tõ tonore mã kehko,
18 Pui tõ kohtãko mã toto omise toexirykõke,
19 Ritonõpo, oya kohtãko ase!
20 Onokyro tõ oya kohtãko mana takorehmatohkõme,