1 Morarame tuisa Ezekia takuruhtase yronymyryme, orikyĩse kynexine. Mame urutõ Izaja, Amoxi mũkuru, toytose mokyro enese, ynara tykase eya:
2 Naeroro tõmyty torimase Ezekia a apuru winakoxi, tõturuse ynororo Ritonõpo a, ynara tykase:
3 — Ritonõpo, wenikehpyra exiko opoetoryme jehtoh poko, omihpyry omipona exiase yronymyryme, onyripohpyry ya tymoise ya ipunaka kokoro rokene. Mame tyxitase tãtasamaryke.
4 Tutũtase Izaja tuisa nyhtoh tae, yrome turuse ynororo Ritonõpo a:
5 — Eramako ropa Ezekia zuruta, ynara kaxiko eya: Ywy, Ritonõpo, atamuru Tawi Esemy, õmiry etano, oxity eneno. 15me jeimamyry ekarõko ase oya isene ro oehtohme.
6 Opynanohnõko ase sero apatary Jerusarẽ maro Axiria tuisary winoino, sero pata ewomãko ase.
7 — Zae toehtoh enetupuhpotoh ekarõko Ritonõpo oya mana, tõmihpyry ae tynyriry enetupuhtohme oya.
8 “Eneko ke, xixi zuzenu onuhmapõko ropa ase 10me onuhtoh opyi Akaze nyrihpyry pokona tyhtose ahtao.” Mame xixi zuzenu tõnuhse ropa 10me onuhtoh pona ropa.
9 Morarame toekurãkase ropa tuisa Ezekia ahtao eremiatoh tymerose eya Ritonõpo eahmatohme, ynara tymerose eya:
10 Nuaseme jahtao ro orihnõko ase, tamuhpõme pyra,
11 Taroino, sero nono po, isene exiketõ rãnao, Ritonõpo onenepyra ropa exĩko ase;
12 Isene jehtoh tonahse rahkene, kaneru pyno exikety tapyinỹpyry samo,
13 Koko kui kary poko tõmehse ywy jetũ jexiryke,
14 Jetũ jexiryke pusuh tykase ywy jamihme pyra samo, parapi omiry samo;
15 Ritonõpo a senohne tyrise ahtao ya,
16 Ritonõpo, onyrityã pokoino isene ynanase emero porehme;
17 Kure jehtohme morohne ke toetuarimase ywy, zuaro ase.
18 Aorihtyã esao, “Kure mase,” kasaromepyra mã toto,
19 Isene exiketõ oeahmãko mã toto,
20 Typynanohse ywy oya, Ritonõpo.