1 Eremiatoh tyripose ya, Ritonõpo Kuesẽkomo a, Izyraeu tõ tuisary tõ asakorõkõ poko, toto hnamotohme:
2 Reão nohpory sã asa nexiase!
3 Toiro mũkuru tuãtanohpose eya,
4 Imehnõ nonory põkõ ipoko zuaro toehse,
5 Toraximase jeny a aepyry ropa repe,
6 Tuãtase ynororo ahtao toytoytose ynororo imehnõ reão tõ maro.
7 Soutatu tõ esary jamihme exiketõ tytohtohkapose eya, pata tõ roropa.
8 Ahno tõ tõximõse etonatohme imaro.
9 Eunaserẽ tyripose eya xine.
10 Izyraeu tomo, uwa zoko sã asakõ mana,
11 Amoriry tõ jamihme nexiase kehko.
12 Yrome zehno exiketomo a zoko imity tõ maro touse.
13 Seromaroro, ona tonorẽ po moro uwa zoko tarykase mana, nono tonorẽ po, tutunake pyra exikety po.
14 Zoko tyahkase apoto ke;