1 Mame toremiase Moeze tomo Izyraeu tõ maro Ritonõpo Tosẽkõ eahmaryme. Ynara tykase toto:
2 Jewomane jamihme Ritonõpo mana.
3 Ritonõpo etonaketyme mana.
4 Tuna konõto kuaka Ejitu soutatu tõ tomase ikanarykõ maro.
5 Tynerymase toto tuna konõto zueme exikety a.
6 Ritonõpo, jamihmehxo oemary apotunuru wino mana,
7 Emero motye orẽpyra mexino.
8 Typũmase oya, tuna kaetokohxo toehse.
9 Kuepetõkara ynara tykase:
10 Yrome Omoro, Ritonõpo,
11 Imepỹ ritõ apanõ pyra mana, Ritonõpo!
12 Oemary tanỹse ahtao oya ãpotunuru wino,
13 Yna pyno oexiryke, opoetory tõ arõko mase typynanohse toto oya,
14 Onyrihpyry poko totase imehnõ nonory põkomo a,
15 Etõ põkõ tamuximãkõ roropa tonaroxitapãse mã toto.
16 Enaromỹke toehse toto,
17 Toto enehnõko mase, ypy pona,
18 Ritonõpo, yna Esemy,
19 Tuna konõto takuohse Izyraeu tomo a nono tonore poro. Yrome tykanarykõ tarose ahtao Ejitu põkomo a, kawaru tõ maro Izyraeu tõ ekahmaryme, tuna tonehpose ropa Ritonõpo a toto nerymapotohme.
20 Urutõme Miriã kynexine Arão oryxiry. Pãteru tapoise eya imehnõ nohpo tõ emero imaro toehse, pãteru tõ etõko, wãko toto.
21 Mame toremiase Miriã, toto netaryme. Ynara tykase:
22 Mame Izyraeu tõ tarose Moeze a tuna konõto Tahpiremã poe ona Sua pona. Oseruao tõmehse toytorykõ poko toto ona poro, tuna zupiry poko repe.
23 Toeporehkase toto Mara pona. Yrome moro tuna onẽsaromepyra toh kynexine, itũ exiryke. Morara exiryke moro esety Mara kynexine.
24 Tykerekeremase toto Moeze netaryme; tõturupose toto:
25 Jarao tõturuse Moeze yronymyryme Ritonõpo a takorehmatohme. Mame wewe zokonaka tonepose Ritonõpo a eya. Moro wewe tõmase eya ahtao tuna kuaka, tuna kure toehse toto okurume.
26 Ynara tykase ynororo eya xine:
27 Moromeĩpo toeporehkase Izyraeu tomo Erĩ pona. Moroto 12me tuna eutary nae kynexine te, 70me airiki panõ roropa. Moroto tõsesarise toh kynexine tuna eutary tõ pũto.