1 Mame esaka Ritonõpo omihpyry ẽ tyrise eya xine tapyi taka, Tawi nyrihpyry taka. Mame tynekarorykõ Ritonõpo a okyno tõ tyahkase tytororo eya xine, osepeme ehtoh tyahkase roropa eya xine.
2 Moromeĩpo okyno tõ tyahkakehse Tawi ahtao, kure imoihmãkõ tyripose eya Ritonõpo Imehxo Exikety a.
3 Mame wyi tokarose eya imoihmãkomo a, uwa tõkehko tasarahse exikety, tõsẽ tupuruse exikety maro, orutua komo a te, nohpo tomo a emero Izyraeu põkomo a tonahsẽ tokarose eya.
4 Mame toitoine rewita tõ tyrise Tawi a imoihmãkõ akorehmananõme, Ritonõpo, Izyraeu tõ Esẽ, eahmary poko, aomihpyry ẽ esemary ae osemazuhme toto ytotohme, eremiatohme, Ritonõpo eahmaryme.
5 Asape tymenekase, toto tuisaryme te, Zakaria tyrise eya mokyro akorehmaneme. Rira etonanõme ynara tymenekase: Jeieu te, Semiramote te, Jeieu te, Matitia te, Eriape te, Penaia te, Opete-Etõ te, Jeieu, enara. Paratu etoneme Asape tymenekase.
6 Rueimo etotohme kokoro rokene Ritonõpo omihpyry ẽ ẽpataka, Ritonõpo maro oturuketõ tymenekase: Penaia te, Jaazieu, enara.
7 Moro ẽmepyry ae Asape tõ tyripitose Tawi a, rewita tõ maro eremiaketõme, Ritonõpo, Izyraeu Esẽ, eahmatohme.
8 “Kure mase” kahtoko Ritonõpo a,
9 Oeremiatoko Kuesẽkõ eahmaryme,
10 Tãkye ehtoko ipoetoryme kuexirykõ poko.
11 Ritonõpo zupitoko, ãkorehmatohkõme;
14 Kuesẽkõme Ritonõpo mana,
15 Jũme wenikehpyra mã ynororo tõmihpyry poko,
16 Tõmihpyry totapose Aparão a:
17 Tõmihpyry totapose Jako a,
18 Morara ahtao ynara tykase Ritonõpo:
19 Tuhke pyra toh kynexine Ritonõpo poetory tomo,
20 Imeimehnõ nonory poro toytose toto,
21 Yrome typoetory tõ onyporemãkapopyra Ritonõpo kynexine.
22 “Ynymenekatyã ypoetory tõme onerekohmara ehtoko;
23 Eremiatoko Ritonõpo netaryme,
24 “Ritonõpo imehxo ehtoh poko,”
25 Tuisame Ritonõpo mana eahmatohme kyya xine;
26 Imehnõ nonory põkõ tyneponãmarykõ poko rokẽ mã toto,
27 Ritonõpo zomye saereh ãko mana,
28 Kure Ritonõpo mana, eahmatoko, sero nono põkõ emero.
29 Kuesẽkõ esety kurã eahmatoko;
30 Tykytyky kahtoko ẽpataka, nono põkõ emero!
31 Tãkye ehtoko nono, kapu roropa!
32 Panaikato mase, tuna konõto, onokyro tõ emero tuna kuao.
33 Wewe tomo itu tõ kohtãko mã kehko tõseahmaryme, Ritonõpo Kuesẽkõ ẽpataka,
34 “Kure mase” kahtoko Ritonõpo a kure aexiryke,
35 Ynara kahtoko eya: “Yna ipynanohko, Ritonõpo, yna Esemy!
36 Ritonõpo, kurã mase, Izyraeu tõ Esemy.
37 Morarame Asape tyripose Tawi a, Ritonõpo eahmatoh esẽme rewita tõ maro, Ritonõpo omihpyry ẽ esao. Moroto Ritonõpo eahmary poko toerohse toto kokoro rokene.
38 Takorehmase toto Opete-Etõ, Jetutũ mũkuru a, jekyry tõ 68mãkõ maro. Mame mokyro Opete-Etõ te, Hosa maro omõtoh eraseme toh kynexine.
39 Yrome Ritonõpo eahmatoh tao Kipeão po, Zatoke, Ritonõpo maro oturukety, tuisame kynexine takorehmananõ maro, Ritonõpo eahmary poko.
40 Kokoro rokene pakeimo te, kokonie pukuro, tynekarorykõ tyahkase eya xine, okyno tytororo, zahkatoh po, Ritonõpo nyripohpyry ae ro, inymeropohpyry ae ro Moeze a, ekarotohme Izyraeu tomo a.
41 Mokaro maro Hemã kynexine Jetutũ maro, imehnõ maro tymenekase exiketõ eremiatohme Ritonõpo eahmatohme, kypyno xine exikehpyra exiryke.
42 Rueimo tõ te, paratu tõ, metau risẽ tõkehko, eraseme roropa Hemã tõ kynexine Jetutũ maro. Morohne totose eremiaketõ eremiaryhtao Ritonõpo eahmaryme. Jetutũ ekyry tõ omõtoh eraseme roropa toh kynexine.
43 Mame toytose ropa toto tytapyĩkõ taka ropa. Tawi roropa toytose tytapyĩ taka, tytapyĩ taõkõ maro ehtohme.