1 Ick8a dac ii, nigi 8abama kodag ajeni 8ak8ig e pi odosedj. Kitci macka8iziban, acitc ominonagozi8in kitci tcakideniban mizi8e akikag.
2 Ki kitci pibagi:
3 Madji a8iagog iima ka tajike8apan
4 Mina8adj dac kodag a8iag nigi noda8a 8ak8ig e odji anim8edj:
5 Ka apitci kitci nta patadi8adj,
6 Kiga toda8a8ag igi8e a8iagog adi kagi todago8eg.
7 Kitci apitenimidizobanig igi a8iagog,
8 Ii dac ka inendamo8adj,
9 Ogimag mizi8e akig ka odji8adj tajikebanig 8anadizi8inikag iima odenakag, acitc omin8endana8aban e madji inakamigizi8apan iima. Apitc dac 8abadamo8adj ickodeni e sagabatenig, kada ma8i8ag acitc kada kitci kackendamog.
10 8asag kada iji tajigaba8i8ag. Oga kotana8a mega ke8ina8a kidji kodagito8adj. Kada ikido8ag:
11 Ada8e8innig mizi8ekamig kada odji ma8i8ag acitc kada kitci kackendamog, e ick8adenig ii odenani. Ka8in mega a8ian ogagi kicpinadosini odada8ani8an.
12 Mi ini kegonan ka ada8e8apan: oza8iconia, 8abiconia, anodjigotc asinicecag ka kitci sanagizi8adj, ka cab8ateigagin kegojican, ka misk8egagin acitc ka mamazina8agin ka sanagagin kegojican, sinibani kegojican, kakinagotc ka minomag8akozidj mitig, kegonan kagi ojitcigadegin tcidjibickiji odeckanan odonikag ka odji sagak8amondjin kagi abadazindjin, kek8an mitig ka kitci min8ak8ag kagi abadag, kek8an pi8abik kek8an asini,
13 nibicibag ka minomag8ag, ka minomateg aiamie pig8i, pimide ka minomag8ag acitc kakinagotc ejinag8ag ka minomag8ag, cominabo, pimide, kapane, anominag, mictozog, mantcenicag, pebejigogack8eg, odabanijican ka pimidabibat8a8adjin pebejigogack8eg, acitc anokitage8innig ka tibenimagani8i8adj.
14 Igi8e ada8e8innig dac kada ikido8ag:
15 Ki kitci coniake8ag ada8e8innig iima odenakag. 8asag dac kada iji tajigaba8i8ag, e kotamo8adj ke8ina8a kidji kodagito8adj. Midac kada ma8i8ag acitc kada kitci kackendamog.
16 Kada ikido8ag:
17 Mi eta pejigotibaigan inigik ki apitcimagan
18 Apitc kagi 8abadamo8adj ickodeni e kotadabatenig e sasagabigakonenig odenani, ki pabibagi8ag: “Ka8in kodag odena tag8asinon epitci kitci apitendag8ag tabickotc oo8e odena!”
19 Ki ma8i8ag acitc ki kitci kackendamog, acitc minigonacini ogi iji8ebinana8a octig8ani8akag kidji nag8anig epitci kackendamo8adj. Ki pabibagi8ag:
20 Kina8a 8ak8ig ka teieg, modjigendamok egi ick8a nici8anadag ii odena! Kina8a Kije Manido odanicinabeman, kina8a Jesos Odanodaganan acitc kina8a niganadjimo8innig, modjigendamok! Kije Manido mega ogi tibakonan adi kagi todago8eg.
21 Ick8a dac ii, pejig ajeni ka kitci macka8izidj ogi a8i odapinan kitci asinin. Kitcigamig dac ogi iji pakobi8ebinan ekidodj:
22 A8iagog ka nodag8atcige8adj ajeni nodag8atciganan,
23 Ka8in 8ikad mina8adj kada 8asakonesinon 8edi.
24 Iima odenakag ki nisagani8ibanig niganadjimo8innig