1 א לא לנו יהוה לא-לנו כי-לשמך תן כבוד--על-חסדך על-אמתך br
2 ב למה יאמרו הגוים איה-נא אלהיהם br
3 ג ואלהינו בשמים-- כל אשר-חפץ עשה br
4 ד עצביהם כסף וזהב מעשה ידי אדם br
5 ה פה-להם ולא ידברו עינים להם ולא יראו br
6 ו אזנים להם ולא ישמעו אף להם ולא יריחון br
7 ז ידיהם ולא ימישון--רגליהם ולא יהלכו לא-יהגו בגרונם br
8 ח כמוהם יהיו עשיהם-- כל אשר-בטח בהם br
9 ט ישראל בטח ביהוה עזרם ומגנם הוא br
10 י בית אהרן בטחו ביהוה עזרם ומגנם הוא br
11 יא יראי יהוה בטחו ביהוה עזרם ומגנם הוא br
12 יב יהוה זכרנו יברך br יברך את-בית ישראל יברך את-בית אהרן br
13 יג יברך יראי יהוה-- הקטנים עם-הגדלים br
14 יד יסף יהוה עליכם עליכם ועל בניכם br
15 טו ברוכים אתם ליהוה-- עשה שמים וארץ br
16 טז השמים שמים ליהוה והארץ נתן לבני-אדם br
17 יז לא המתים יהללו-יה ולא כל-ירדי דומה br
18 יח ואנחנו נברך יה-- מעתה ועד-עולם br הללו-יה