1 I ɔwi gɔ lofe ame ne, Ɣaa ɔɖe bo mawa ika gbodzoo i siri agbãagbã iso ɔkigu i kanyamaɖidze iso.
2 Ɣɛɛ i ayi tsɔra wagbe ame ne, ɔ̃ɔɖe bo ika ɔkigu i ɔ̃ Ɔbi iso. Ɔ̃ iso i Ɣaa ɔki fiɛ ɔbara kayiiso fiɛ ɔ̃ iɖe ɔɖi sɔ ɔ̃aɖe ɔ̃ ara ku kawirikɔ̃ ne.
3 Ɔbi gɔgbe nsɛ ɔɖi ɔ̃ Ɔse ikpawaĩ ɔte fiɛ ɔɖe ɔ̃ ɔse kumiamia tutuutu ne. Ɔmɔɛ̃ kayi ɔto ala ɔ̃ itɔ̃me nɛ mba ɔle. Gɔ ɔfɔ kasukatsɛ ɔtã maturi awune akpi ɔro ne, ɔkpase ɔsɛ i Ɣaa gɔ nɖe Ɔle Ɔɖuɖu Sate kuɖearɔ̃ iso i kato.
4 Ɣaa ɔkɔlɛ Ɔbi kato ɔɖo Ɣaa makpabo lɛ kumɛgɔ ame i Ɣaa ɔtã wũ iyere nɛ lomɔ iɖo Ɣaa makpabo ire.
5 Alasɔ Ɣaa iiɣere ɔ̃ kpabo kuwɛ̃ ku ɔwi gɔ lofe sɔ,
6 Ɣɛɛ gɔ Ɣaa to ɔba ɔ̃apia ɔ̃ Ɔbi biete ɔwɛ̃ saã kayi gagbe iso ne, ɔɣɛ sɔ,
7 I makpabo iso ne, Ɣaa ɔɣɛ sɔ,
8 Ɣɛɛ i Ɔbi iso ne, Ɣaa ɔɣɛ sɔ,
9 Asɛ aɖɔɛ ira nɛ nse bɔlɔlɔ fiɛ atsiri nwa loiya tɔrɔrɔ.
10 Ɣaa ɔɣɛ ana i ɔ̃ Ɔbi iso sɔ,
11 Ara wagbe ɔɖuɖu to aawɔ, ɣɛɛ fɔ ne, apia ɔwi biara,
12 Ato aakarĩ wã lɛ akatisɛ
13 Ɣaa iiɣere ɔ̃ kpabo kuwɛ̃ sɔ,
14 Iyɔ be i makpabo ɖe? Ma nɖe Siwarã dzɛ nsɛ sisɔrɛ Ɣaa fiɛ ɔsɛ ɔpia ma sɔ masɛ maabuai mma loana iɖi ne.