1 ܐܲܚܘܿܢܘܵܬܝܼ̈، ܠܵܐ ܪܵܒܵܐ ܡܸܢܵܘܟ݂ܘܿܢ ܗܵܘܝܼ ܡܲܠܦܵܢܹ̈ܐ، ܣܵܒܵܒ ܝܕܹܥܡܘܼܢ ܕܐܲܚܢܲܢ ܕܡܲܠܦܲܚ ܒܸܬ ܩܲܒܠܲܚ ܕܝܵܢܬܵܐ ܒܘܼܫ ܓܘܼܪܬܵܐ.
2 ܣܵܒܵܒ ܟܠܲܢ ܟܹܐ ܢܵܦܠܲܚ ܒܪܵܒܵܐ ܐܘܼܪ̈ܚܵܬܹܐ. ܐܸܢ ܚܲܕ ܠܹܐ ܢܵܦܹܠܔ ܒܗܹܡܸܙܡܵܢ، ܗ̇ܘ ܚܲܕ ܐܢܵܫܵܐ ܓܡܝܼܪܵܐ ܝܠܹܗ ܘܟܹܐ ܡܵܨܹܐ ܙܲܒܛܸܢ ܠܟܠܹܗ ܦܲܓ݂ܪܹܗ.
3 ܐܝܼܡܲܢ ܕܕܵܪܲܚ ܦܓ݂ܘܼ̈ܕܹܐ ܒܦܘܼܡܵܐ ܕܣܘܼܣܵܘܵܬܹ̈ܐ ܕܦܵܝܫܝܼ ܙܲܒܛ ܐܸܠܲܢ، ܟܹܐ ܡܵܨܲܚ ܡܲܚܕܸܪܲܚ ܠܹܗ ܟܠܹܗ ܦܲܓ݂ܪܵܝܗܝ.
4 ܗܵܕܟ݂ܵܐ ܐܘܼܦ ܓܵܡܝܼܹ̈ܐ، ܐܵܦܸܢ ܕܝܼܢܵܐ ܗܵܕܟ݂ܵܐ ܓܘܼܪܹ̈ܐ ܘܟܹܐ ܦܵܝܫܝܼ ܠܘܼܒܠܹܐ ܒܦܵܘܚܹ̈ܐ ܚܲܝܠܵܢܹ̈ܐ، ܒܚܲܕ ܣܵܘܟܵܢܵܐ ܪܵܒܵܐ ܙܥܘܿܪܵܐ ܟܹܐ ܦܵܝܫܝܼ ܡܘܼܚܕܸܪܹܐ ܐܲܝܟܵܐ ܕܛܵܪܝܵܢܵܐ ܒܵܥܹܐ ܕܠܲܒܸܠܔ ܠܵܗ̇ ܓܵܡܝܼ.
5 ܗܵܕܟ݂ܵܐ ܐܘܼܦ ܠܸܫܵܢܵܐ، ܚܲܕ ܗܲܕܵܡܵܐ ܙܥܘܿܪܵܐ ܕܦܲܓ݂ܪܵܐ ܝܠܹܗ ܘܟܹܐ ܚܵܬܹܪ ܒܡܸܢܕܝܼܵܢܹ̈ܐ ܓܘܼܪܹ̈ܐ. ܘܚܙܝܼ ܕܵܐܟ݂ܝܼ ܚܲܕ ܢܘܼܪܵܐ ܙܥܘܿܪܵܐ ܡܲܝܫܵܐ ܓܘܼܪܵܐ ܟܹܐ ܛܲܦܹܐ.
6 ܗܵܕܟ݂ܵܐ ܐܘܼܦ ܠܸܫܵܢܵܐ ܢܘܼܪܵܐ ܝܠܹܗ، ܚܕܵܐ ܕܘܼܢܝܹܐ ܕܒܝܼܫܬܵܐ ܓܵܘ ܗܲܕܵܡܲܢ̈، ܕܟܹܐ ܫܲܚܬܸܢ ܠܟܠܹܗ ܦܲܓ݂ܪܵܐ، ܘܕܵܪܹܐ ܢܘܼܪܵܐ ܒܓܸܓ݂ܠܵܐ ܕܟܝܵܢܵܐ، ܘܒܓܵܢܹܗ ܦܝܼܫܵܐ ܝܠܹܗ ܡܘܼܠܗܝܼܵܐ ܒܢܘܼܪܵܐ ܕܓܹܗܲܢܵܐ.
7 ܟܠܵܝܗܝ ܐܵܕܫܹ̈ܐ ܕܗܲܝܘܵܢܹ̈ܐ، ܘܛܲܝܪܹ̈ܐ، ܘܪܸ̈ܓ̰ܒܹܐ ܘܪ̈ܲܚܫܹܐ ܕܝܵܡܵܐ، ܟܹܐ ܦܵܝܫܝܼ ܙܘܼܒܛܸܢܹܐ ܘܦܝܼܫܹܐ ܝܢܵܐ ܙܘܼܒܛܸܢܹܐ ܒܝܲܕ ܒܲܪܢܵܫܵܐ،
8 ܐܝܼܢܵܐ ܐܘܼܦ ܚܲܕ ܐܢܵܫܵܐ ܠܹܐ ܡܵܨܹܐ ܙܲܒܛܸܢ ܠܠܸܫܵܢܵܐ. ܒܝܼܫܬܵܐ ܝܠܹܗ ܕܠܵܐ ܫܠܵܝܵܐ، ܡܸܠܝܵܐ ܣܲܡܵܐ ܕܡܵܘܬܵܐ.
9 ܒܝܼܹܗ ܟܹܐ ܒܲܪܟܲܚ ܠܡܵܪܝܵܐ ܘܒܵܒܵܐ، ܘܒܝܼܹܗ ܟܹܐ ܠܵܝܛܲܚ ܠܐܢܵܫܹ̈ܐ ܕܦܝܼܫ ܠܗܘܿܢ ܒܸܪܝܹܐ ܒܕܡܘܼܬܵܐ ܕܐܲܠܵܗܵܐ.
10 ܗܲܪ ܡ̣ܢ ܚܲܕ ܦܘܼܡܵܐ ܟܹܐ ܦܵܠܛܵܐ ܒܘܼܪܟܬܵܐ ܘܠܵܘܛܬܵܐ. ܠܹܐ ܝܠܵܗ̇ ܠܚܝܼܡܬܵܐ، ܐܲܚܘܿܢܘܵܬܝܼ̈، ܕܐܲܢܹܐ ܗܵܕܟ݂ܵܐ ܗܵܘܝܼ.
11 ܡܵܨܝܵܐ ܚܕܵܐ ܥܲܝܢܵܐ ܕܡ̈ܝܼܵܐ ܦܲܠܛܵܐ ܡ̈ܝܼܵܐ ܚܸܠܝܹ̈ܐ ܘܡܲܪܝܼܪܹ̈ܐ ܡ̣ܢ ܚܲܕ ܡܲܒܘܼܥܵܐ؟
12 ܐܲܚܘܿܢܘܵܬܝܼ̈، ܟܹܐ ܡܵܨܹܐ ܐܝܼܠܵܢܵܐ ܕܬܹܐܢܹ̈ܐ ܝܵܗܒܹܠܔ ܛܥܘܼܢܬܵܐ ܕܙܲܝ̈ܬܹܐ، ܝܲܢ ܓܸܦܬܵܐ ܬܹܐܢܹ̈ܐ؟ ܘܐܘܼܦ ܠܵܐ ܥܲܝܢܵܐ ܕܡ̈ܝܼܵܐ ܡܵܨܝܵܐ ܦܲܠܛܵܐ ܡ̈ܝܼܵܐ ܡܸܠܚܵܢܹ̈ܐ ܘܚܸܠܝܹ̈ܐ.
13 ܡܵܢܝܼ ܝܠܹܗ ܚܲܟܝܼܡܵܐ ܘܦܲܪܡܝܼܵܢܵܐ ܓܵܘܵܘܟ݂ܘܿܢ؟ ܫܒ݂ܘܿܩ ܡܲܚܙܹܐ ܚܲܝܘܼ̈ܗܝ ܒܝܲܕ ܦܘܼܠܚܵܢܘܼ̈ܗܝ ܫܲܦܝܼܪܹ̈ܐ ܘܒܚܸܟ݂ܡܬܵܐ ܡܲܟܝܼܟ݂ܬܵܐ.
14 ܐܝܼܢܵܐ ܐܸܢ ܐܝܼܬ ܒܲܚܸܠܵܢܘܼܬܵܐ ܡܲܪܝܼܪܬܵܐ ܓܵܘܵܘܟ݂ܘܿܢ ܘܡܲܩܲܪܵܨܘܼܬܵܐ ܓܵܘ ܠܸܒܵܘܟ݂ܘܿܢ، ܠܵܐ ܚܵܬܪܝܼܬܘܿܢ ܒܝܼܘܼܗ̇ ܘܠܵܐ ܕܲܓܠܝܼܬܘܿܢ ܥܲܠܔ ܫܪܵܪܵܐ.
15 ܐܵܗܵܐ ܚܸܟ݂ܡܬܵܐ ܠܹܐ ܝܠܵܗ̇ ܒܸܨܠܵܝܵܐ ܡ̣ܢ ܥܸܠܸܠܔ، ܐܸܠܵܐ ܐܲܪܥܵܢܵܝܬܵܐ ܝܠܵܗ̇، ܢܲܦ̮ܫܵܢܵܝܬܵܐ، ܘܕܲܝܘܵܢܵܝܬܵܐ.
16 ܣܵܒܵܒ ܐܲܝܟܵܐ ܕܐܝܼܬ ܒܲܚܸܠܵܢܘܼܬܵܐ ܘܡܲܩܲܪܵܨܘܼܬܵܐ، ܬܵܡܵܐ ܐܝܼܬ ܚܒ݂ܵܛܵܐ ܘܟܠܔ ܫܘܼܠܵܐ ܣܸܪܝܵܐ.
17 ܐܝܼܢܵܐ ܚܸܟ݂ܡܬܵܐ ܕܡ̣ܢ ܥܸܠܸܠܔ، ܡܸܢܕܝܼ ܩܲܕܡܵܝܵܐ ܕܟ݂ܝܼܬܵܐ ܝܠܵܗ̇، ܘܗ̇ܝܓܵܗ ܡܠܝܼܬܵܐ ܫܠܵܡܵܐ، ܩܲܒܠܵܢܬܵܐ، ܡܲܟܝܼܟ݂ܬܵܐ، ܡܠܝܼܬܵܐ ܪ̈ܲܚܡܹܐ ܘܛܥܘܼܢܝܵܬܹ̈ܐ ܫܲܦܝܼܪܹ̈ܐ، ܕܠܵܐ ܕܘܼܒܵܪܘܼܬܵܐ ܘܠܵܐ ܚܙܵܝܬܵܐ ܕܦܵܬܵܐ.
18 ܘܛܥܘܼܢܬܵܐ ܕܙܲܕܝܼܩܘܼܬܵܐ ܟܹܐ ܦܵܝܫܵܐ ܙܪܝܼܥܬܵܐ ܒܫܠܵܡܵܐ ܒܐܵܢܝܼ ܕܥܵܒ݂ܕܝܼ ܫܠܵܡܵܐ.