1 ܠܹܐ ܝܠܵܗ̇ ܐܵܢܲܢܩܵܝܬܵܐ ܐܸܠܝܼ ܕܟܵܬܒܹܢ ܐܸܠܵܘܟ݂ܘܿܢ ܒܘܼܬ ܚܸܠܡܲܬ ܠܩܲܕܝܼܫܹ̈ܐ،
2 ܣܵܒܵܒ ܒܝܼܕܵܥܵܐ ܝܘܸܢ ܛܢܵܢܵܘܟ݂ܘܿܢ ܠܗܲܝܘܼܪܹܐ، ܘܒܸܥܒ݂ܵܕܵܐ ܝܘܸܢ ܫܘܼܒ݂ܗܵܪܵܐ ܒܝܼܹܗ ܩܲܕܡ ܐܢܵܫܹ̈ܐ ܕܓܵܘ ܡܵܩܹܕܘܿܢܝܼܵܐ، ܗܵܕܟ݂ܵܐ ܕܐܵܟ݂ܵܐܝܼܵܐ ܗܘܼܕܸܪܬܵܐ ܝܠܵܗ̇ ܡ̣ܢ ܫܹܢ݇ܬܵܐ ܕܕܲܥܒܲܪ ܠܗܲܝܘܼܪܹܐ، ܘܛܢܵܢܵܘܟ݂ܘܿܢ ܡܘܼܓ̰ܘܸܓ̰ ܠܹܗ ܠܪܵܒܵܐ.
3 ܐܝܼܢܵܐ ܫܘܼܕܸܪܝܼ ܠܐܲܚܘܿܢܘܵܬܹ̈ܐ ܕܠܵܐ ܗܵܘܹܐ ܫܘܼܒ݂ܗܵܪܲܢ ܒܝܼܵܘܟ݂ܘܿܢ ܒܲܛܝܼܠܵܐ ܒܐܵܗܵܐ ܫܘܼܠܵܐ، ܕܗܵܘܹܝܬܘܿܢ ܗܕܝܼܪܹܐ، ܐܲܝܟ݂ ܕܐܡܝܼܪܝܼ.
4 ܠܵܐ ܗܵܘܝܵܐ ܕܐܵܬܝܼ ܥܲܡܝܼ ܐܢܵܫܹ̈ܐ ܡ̣ܢ ܡܵܩܹܕܘܿܢܝܼܵܐ ܘܚܵܙܝܼ ܕܠܹܐ ܝܬܘܿܢ ܗܕܝܼܪܹܐ، ܗ̇ܝܓܵܗ ܐܲܚܢܲܢ، ܘܐܘܼܦ ܐܲܚܬܘܿܢ، ܦܵܝܫܲܚ ܢܟ݂ܝܼܦܹܐ ܒܒܸܣܬܵܝܘܼܬܲܢ.
5 ܒܘܼܬ ܐܵܗܵܐ، ܚܙܹܐ ܠܝܼ ܐܵܢܲܢܩܵܝܬܵܐ ܝܗܘܵܐ ܕܛܵܠܒܹܢ ܗܘܵܐ ܡ̣ܢ ܐܲܢܹܐ ܐܲܚܘܿܢܘܵܬܹ̈ܐ ܕܐܵܬܝܼ ܗܘܵܘ ܠܟܸܣܠܵܘܟ݂ܘܿܢ ܡ̣ܢ ܩܲܕܡ ܕܝܼܝܼ، ܘܗܲܕܪܝܼ ܗܘܵܘ ܠܕܒ݂ܵܚܬܵܐ ܕܩܘܼܘܸܠܹܐ ܝܬܘܿܢ ܗܘܵܘ. ܗ̇ܝܓܵܗ ܒܸܬ ܗܵܘܝܵܐ ܚܕܵܐ ܕܒ݂ܵܚܬܵܐ ܘܠܵܐ ܛܲܡܲܥܟܵܪܘܼܬܵܐ.
6 ܐܵܗܵܐ ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ: ܡ̇ܢ ܕܙܵܪܹܥ ܒܚܣܵܟ݂ܬܵܐ، ܒܚܣܵܟ݂ܬܵܐ ܒܸܬ ܚܵܨܹܕ، ܘܡ̇ܢ ܕܙܵܪܹܥ ܒܦܸܪܝܘܼܬܵܐ، ܒܦܸܪܝܘܼܬܵܐ ܒܸܬ ܚܵܨܹܕ.
7 ܟܠܔ ܚܲܕ ܘܵܠܹܐ ܝܠܵܗ̇ ܕܝܵܗܒܹܠܔ ܐܲܝܟ݂ ܕܡܘܼܬܒ݂ܵܐ ܝܠܹܗ ܒܠܸܒܹܗ، ܠܵܐ ܒܦܵܫܲܡܬܵܐ ܘܠܵܐ ܬܚܘܿܬ ܚܲܝܠܵܐ، ܣܵܒܵܒ ܐܲܠܵܗܵܐ ܟܹܐ ܡܲܚܸܒ ܠܝܵܗܒ݂ܵܢܵܐ ܚܸܕܝܵܐ.
8 ܘܐܲܠܵܗܵܐ ܟܹܐ ܡܵܨܹܐ ܡܲܙܝܸܕ ܐܸܠܵܘܟ݂ܘܿܢ ܟܠܵܗ̇ ܫܵܦܵܩܲܬ، ܗܵܕܟ݂ܵܐ ܕܒܟܠܔ ܡܸܢܕܝܼ ܘܒܟܠܔ ܙܲܒ݂ܢܵܐ ܗܵܘܹܐ ܠܵܘܟ݂ܘܿܢ ܡܸܢܕܝܼ ܕܣܢܝܼܩܹܐ ܝܬܘܿܢ ܐܸܠܹܗ، ܘܙܵܝܕܝܼܬܘܿܢ ܒܟܠܔ ܦܘܼܠܚܵܢܵܐ ܛܵܒ݂ܵܐ.
9 ܐܲܝܟ݂ ܕܟܬܝܼܒ݂ܵܐ ܝܠܹܗ:
10 ܘܗ̇ܘ ܕܟܹܐ ܝܵܗܒܹܠܔ ܒܲܪܙܲܪܥܵܐ ܠܙܵܪܥܵܢܵܐ ܘܠܲܚܡܵܐ ܠܡܹܐܟ݂ܘܼܠܬܵܐ، ܒܸܬ ܝܵܗܒܹܠܔ ܘܡܲܙܝܸܕ ܠܒܲܪܙܲܪܥܵܘܟ݂ܘܿܢ، ܘܡܲܦܪܹܐ ܠܛܥܘܼܢܝܵܬܹ̈ܐ ܕܙܲܕܝܼܩܘܼܬܵܘܟ݂ܘܿܢ،
11 ܕܦܵܝܫܝܼܬܘܿܢ ܥܒ݂ܝܼܕܹܐ ܥܲܬܝܼܪܹ̈ܐ ܒܟܠܔ ܡܸܢܕܝܼ، ܘܗܵܘܹܐ ܠܵܘܟ݂ܘܿܢ ܐܝܼܕܵܐ ܦܬܘܼܚܬܵܐ ܒܟܠܔ ܐܘܼܪܚܵܐ، ܘܦܬܝܼܚܘܼܬܵܐ ܕܐܝܼܕܵܘܟ݂ܘܿܢ ܒܝܼܲܢ ܒܸܬ ܗܵܘܝܵܐ ܫܲܟܲܪܬܵܐ ܠܐܲܠܵܗܵܐ.
12 ܐܵܗܵܐ ܚܸܠܡܲܬ ܕܒܸܥܒ݂ܵܕܘܼܗ̇ ܝܬܘܿܢ ܠܹܐ ܝܠܵܗ̇ ܐܲܚܟ̰ܝܼ ܒܸܡܠܵܝܵܐ ܣܢܝܼܩܘܼܬܵܐ ܕܩܲܕܝܼܫܹ̈ܐ، ܐܝܼܢܵܐ ܡܲܙܝܘܼܕܹܐ ܝܠܵܗ̇ ܫܲܟܲܪ̈ܝܵܬܹܐ ܠܐܲܠܵܗܵܐ.
13 ܣܵܒܵܒ ܒܡܫܲܪܲܪܬܵܐ ܕܐܵܗܵܐ ܚܸܠܡܲܬ، ܐܢܵܫܹ̈ܐ ܫܲܒܘܼܚܹܐ ܝܢܵܐ ܠܐܲܠܵܗܵܐ ܒܘܼܬ ܫܠܵܡܬܵܘܟ݂ܘܿܢ ܠܐܹܘܲܢܓܲܠܝܼܘܿܢ ܕܡܫܝܼܚܵܐ ܘܕܒ݂ܵܚܬܵܘܟ݂ܘܿܢ ܒܐܝܼܕܵܐ ܦܬܘܼܚܬܵܐ ܐܸܠܵܝܗܝ ܘܠܟܠܔ ܐܢܵܫܵܐ.
14 ܘܒܨܠܵܘܵܬܵܝ̈ܗܝ ܒܘܼܬ ܕܝܼܵܘܟ݂ܘܿܢ ܡܲܚܙܘܼܝܹܐ ܝܢܵܐ ܕܟܹܐ ܡܲܚܸܒܝܼ ܠܵܘܟ݂ܘܿܢ، ܣܵܒܵܒ ܫܵܦܵܩܲܬ ܕܐܲܠܵܗܵܐ ܙܝܼܕ ܠܵܗ̇ ܠܟܸܣܠܵܘܟ݂ܘܿܢ.
15 ܫܟܝܼܪܵܐ ܐܲܠܵܗܵܐ ܩܵܐ ܡܵܘܗܲܒ݂ܬܹܗ ܡܲܥܓ̰ܸܒܵܢܬܵܐ.