1 ܗܵܕܟ݂ܵܐ، ܟܲܕ ܐܝܼܬ ܠܲܢ ܐܵܗܵܐ ܚܸܠܡܲܬ ܒܪ̈ܲܚܡܹܐ ܕܐܲܠܵܗܵܐ، ܠܹܐ ܣܵܩܕܲܚ.
2 ܡ̣ܢ ܓܹܒܘܼܗ̇، ܪܘܼܦܝܵܝ ܝܘܲܚ ܫܘܼܠܹ̈ܐ ܛܸܫܝܹ̈ܐ ܕܢܟܸܦܬܵܐ. ܠܹܐ ܝܘܲܚ ܒܸܚܕܵܪܵܐ ܒܦܸܠܡܵܐ، ܘܠܵܐ ܡܲܦܟ̰ܘܼܠܹܐ ܗܹܡܸܙܡܵܢ ܕܐܲܠܵܗܵܐ، ܐܸܠܵܐ ܒܫܲܪܝܼܪܘܼܬܵܐ ܦܫܝܼܛܬܵܐ ܡܲܚܫܘܼܚܹܐ ܝܘܲܚ ܓܵܢܲܢ ܠܐܸܢܝܲܬ ܕܟܠܔ ܐܢܵܫܵܐ ܩܲܕܡ ܐܲܠܵܗܵܐ.
3 ܘܐܘܼܦ ܐܸܢ ܡܘܼܟܣܵܐ ܝܠܹܗ ܐܹܘܲܢܓܲܠܝܼܘܿܢ ܕܝܼܲܢ، ܡܘܼܟܣܵܐ ܝܠܹܗ ܠܐܵܢܝܼ ܕܒܸܛܠܵܩܵܐ ܝܢܵܐ،
4 ܣܵܒܵܒ ܐܲܠܵܗܵܐ ܕܐܵܗܵܐ ܥܵܠܡܵܐ ܡܘܼܣܡܹܐ ܠܹܗ ܪܸ̈ܥܝܵܢܹܐ ܕܠܵܐ ܗܲܡܸܢܵܢܹ̈ܐ، ܕܠܵܐ ܚܵܙܝܼ ܒܲܗܪܵܐ ܕܐܹܘܲܢܓܲܠܝܼܘܿܢ ܕܚܸܩܪܵܐ ܕܡܫܝܼܚܵܐ، ܗ̇ܘ ܕܝܼܠܹܗ ܕܡܘܼܬܵܐ ܕܡܵܪܝܵܐ ܐܲܠܵܗܵܐ.
5 ܐܲܚܢܲܢ ܠܹܐ ܝܘܲܚ ܡܲܟܪܘܼܙܹܐ ܒܘܼܬ ܓܵܢܲܢ، ܐܸܠܵܐ ܡܲܟܪܘܼܙܹܐ ܝܘܲܚ ܕܝܼܫܘܿܥ ܡܫܝܼܚܵܐ ܝܼܠܹܗ ܡܵܪܝܵܐ، ܘܕܐܲܚܢܲܢ ܝܼܘܲܚ ܪܹ̈ܓܵܘܵܬܹܐ ܐܸܠܵܘܟ݂ܘܿܢ ܒܘܼܬ ܚܵܬܸܪ ܕܝܼܫܘܿܥ.
6 ܣܵܒܵܒ ܐܲܠܵܗܵܐ ܕܐܡܝܼܪܹܗ: ”ܡ̣ܢ ܚܸܫܟܵܐ ܒܲܗܪܵܐ ܙܵܪܹܩ،“ ܥܒ݂ܝܼܕ ܠܹܗ ܒܲܗܪܵܐ ܕܙܵܪܹܩ ܓܵܘ ܠܸܒܲܢ ܕܝܵܗܒܹܠܔ ܒܲܗܪܵܐ ܕܝܕܵܥܬܵܐ ܕܬܸܫܒܘܿܚܬܵܐ ܕܐܲܠܵܗܵܐ ܒܦܵܬܵܐ ܕܡܫܝܼܚܵܐ.
7 ܐܝܼܢܵܐ ܐܝܼܬ ܠܲܢ ܐܵܗܵܐ ܣܝܼܡܬܵܐ ܒܡܵܐܢܹ̈ܐ ܕܛܝܼܢܵܐ ܠܡܲܚܙܘܼܝܹܐ ܐܵܗܵܐ ܓܲܒܵܪܘܼܬܵܐ ܕܚܲܝܠܵܐ ܡ̣ܢ ܐܲܠܵܗܵܐ ܝܠܵܗ̇ ܘܠܵܐ ܡܸܢܲܢ.
8 ܦܝܼܫܹܐ ܝܘܲܚ ܡܘܼܠܝܸܨܹܐ ܡ̣ܢ ܟܠܔ ܓܹܒܵܐ، ܐܝܼܢܵܐ ܠܹܐ ܝܘܲܚ ܛܒ݂ܝܼܚܹܐ. ܦܝܼܫܹܐ ܝܘܲܚ ܚܒ݂ܝܼܛܹܐ ܒܚܘܼܫܵܒܲܢ̈، ܐܝܼܢܵܐ ܠܹܐ ܝܘܲܚ ܩܛܝܼܥܘܼܗ̇ ܗܹܒ݂ܝܼܲܢ،
9 ܦܝܼܫܹܐ ܝܘܲܚ ܟܘܼܡܪܹܐ، ܐܝܼܢܵܐ ܠܹܐ ܝܘܲܚ ܦܝܼܫܹܐ ܫܒ݂ܝܼܩܹܐ، ܦܝܼܫܹܐ ܝܘܲܚ ܡܘܼܢܦܸܠܹܐ، ܐܝܼܢܵܐ ܠܹܐ ܝܘܲܚ ܛܠܝܼܩܹܐ.
10 ܟܠܔ ܙܲܒ݂ܢܵܐ ܛܥܝܼܢܹܐ ܝܘܲܚ ܒܦܲܓ݂ܪܲܢ ܡܵܘܬܵܐ ܕܝܼܫܘܿܥ، ܕܐܘܼܦ ܚܲܝܹ̈ܐ ܕܝܼܫܘܿܥ ܦܵܝܫܝܼ ܚܸܙܝܹܐ ܒܦܲܓ݂ܪܲܢ.
11 ܣܵܒܵܒ ܐܲܚܢܲܢ ܕܝܼܘܲܚ ܚܵܝܹ̈ܐ، ܒܟܠܔ ܥܕܵܢܵܐ ܦܝܵܫܵܐ ܝܘܲܚ ܣܘܼܦܝܹܐ ܠܡܵܘܬܵܐ ܒܘܼܬ ܚܵܬܸܪ ܕܝܼܫܘܿܥ، ܕܦܵܝܫܝܼ ܚܸܙܝܹܐ ܚܲܝܹ̈ܐ ܕܝܼܫܘܿܥ ܓܵܘ ܦܲܓ݂ܪܲܢ ܡܵܝܘܿܬܵܐ.
12 ܗܵܕܟ݂ܵܐ ܡܵܘܬܵܐ ܒܸܦܠܵܚܵܐ ܝܠܹܗ ܒܝܼܲܢ، ܐܝܼܢܵܐ ܚܲܝܹ̈ܐ ܒܸܦܠܵܚܵܐ ܝܢܵܐ ܒܝܼܵܘܟ݂ܘܿܢ.
13 ܐܲܝܟ݂ ܕܝܼܠܹܗ ܟܬܝܼܒ݂ܵܐ:
14 ܣܵܒܵܒ ܒܝܼܕܵܥܵܐ ܝܘܲܚ، ܕܗ̇ܘ ܕܡܘܼܩܸܡ ܠܹܗ ܠܡܵܪܲܢ ܝܼܫܘܿܥ ܡ̣ܢ ܓܵܘ ܡܝܼ̈ܬܹܐ ܒܸܬ ܡܲܩܸܡ ܐܘܼܦ ܐܸܠܲܢ ܥܲܡ ܝܼܫܘܿܥ، ܘܒܸܬ ܡܲܩܪܸܒ݂ ܠܲܢ ܥܲܡܵܘܟ݂ܘܿܢ ܠܟܸܣܠܹܗ.
15 ܟܠܵܗ̇ ܐܵܗܵܐ ܠܝܘܼܬܪܵܢܵܐ ܕܝܼܵܘܟ݂ܘܿܢ ܝܼܠܵܗ̇، ܕܫܵܦܵܩܲܬ ܕܝܼܠܵܗ̇ ܒܸܙܝܵܕܵܐ ܓܵܘ ܐܢܵܫܹ̈ܐ ܪܵܒܵܐ، ܡܲܙܝܸܕܵܐ ܫܲܟܲܪܬܵܐ ܠܚܸܩܪܵܐ ܕܐܲܠܵܗܵܐ.
16 ܒܘܼܬ ܐܵܗܵܐ ܠܵܐ ܣܵܩܕܲܚ، ܐܘܼܦ ܐܸܢ ܕܒܲܪܢܵܫܲܢ ܒܲܪܵܝܵܐ ܒܸܚܪܵܒ݂ܵܐ ܝܠܹܗ، ܐܝܼܢܵܐ ܒܲܪܢܵܫܲܢ ܓܵܘܵܝܵܐ ܦܝܵܫܵܐ ܝܠܹܗ ܚܘܼܕܸܬܵܐ ܝܵܘܡܵܐ ܒܝܵܘܡܵܐ،
17 ܣܵܒܵܒ ܐܘܼܠܨܵܢܲܢ ܩܲܠܘܼܠܵܐ ܘܥܵܒ݂ܘܿܪܵܐ ܗܲܕܘܼܪܹܐ ܝܠܹܗ ܐܸܠܲܢ ܚܸܩܪܵܐ ܥܵܠܡܝܼܢܵܝܵܐ ܕܙܵܐܹܕ ܒܪܲܒܘܼܬܵܐ.
18 ܒܘܼܬ ܐܵܗܵܐ ܠܹܐ ܝܘܲܚ ܓܲܫܘܼܩܹܐ ܠܡܸܢܕܝܼܵܢܹ̈ܐ ܕܦܝܵܫܵܐ ܝܢܵܐ ܚܸܙܝܹܐ ܐܸܠܵܐ ܠܐܵܢܝܼ ܕܠܹܐ ܝܢܵܐ ܦܝܵܫܵܐ ܚܸܙܝܹܐ، ܣܵܒܵܒ ܡܸܢܕܝܼܵܢܹ̈ܐ ܕܟܹܐ ܦܵܝܫܝܼ ܚܸܙܝܹܐ ܙܲܒ݂ܢܵܢܵܝܹ̈ܐ ܝܢܵܐ، ܐܝܼܢܵܐ ܐܵܢܝܼ ܕܠܹܐ ܦܵܝܫܝܼ ܚܸܙܝܹܐ ܥܵܠܡܝܼܢܵܝܹ̈ܐ ܝܢܵܐ.