1 Chitzatzinku' yi e'u' yi najlche'u' bene'n tzi'n.
2 Chin tz'o'tz nin tane'n xlajak i' tan sbak', nin yil tz'oc i' tan cawu'n chin tz'aknak cu'n sbne'.
3 Sbajxok jun chin k'ak' swutz i', nin ẍchitz'e'ok cyakil yi tetz contr ta'n.
4 Yi tetz xlak'cya'j bajk xtxekul bene'n tzi'n wi munt, nin cyakil wunak ẍchixobok yil quil.
5 Cyakil yi e'chk wutz tz'elepon a' chi na ban xcab yil tz'ul tzaj yi mero taw, Kataj Jehová.
6 Yi tcya'j na ẍchaj yi balajil i'.
7 Ẍchitx'ixwok cyakil wunak yil quil nin wutz yi Wi'tz Ryos, na yi e' cyetz, ntin na cyak' k'ej e'chk ryos yi banij cuntu' tane'n.
8 Ilu' Kataj Jehová, na chitzatzin yi e' aj Sión yi na quibit yi ca'wlu'.
9 Na yi ilu' teru' Ta', na cawunu' tibaj cyakil e'chk ama'l bene'n tzi'n.
10 Nin na pek'u' scye'j yi e' yi qui na chipek' te yi e'chk takle'n cachi'.
11 Chin sk'il nin sbne' scyetz yi e' balaj, nin ẍchitzatzink yi e' yi jicyuch te cyajtza'kl.
12 Chitzatzink binu' tk'ab Kataj yi e'u' balaj.