1 ¡Ilu' Wajcaw! swak'e' ink'ajsbil teru'.
2 Kataj, na waj chinẍch'in tan yi tzatzin yi atin cu'nt.
3 Ja che'l ojk yi e' incontr swutzu' Ta'.
4 Na yi ilu' teru' Ta', ilu' yi pujul xtisya' yi qui na je' k'abu' twi' jun.
5 Wajcaw, ja maku' chiwutz yi e' pajol ca'wl.
6 Ja wi't chiquim yi e' contr.
7 Na yi teru' Ta', ilu' yi wi'tz Ajcaw tetz ben k'ej ben sak.
8 Tz'ocoponu' tan ma'le'n cyajtza'kl cyakil jilwutz wunak, nin quil je' k'abu' twi' jun.
9 Ma yi e' yi chin q'uixc'uj nin ate' cu'nt, scyuch' yi e' yi buchij che', tz'ocoponu' tan chicolche'n.
10 Cha'stzun te Wajcaw, cyakil yi e' yi na el chitxum tetz yi ẍe'n tane'nu', cho'n k'uklij chic'u'l te'ju'.
11 Kak'e' bin kak'ajsbil tetz Kataj yi cho'n na cawun wi Sión.
12 Na yi Kataj na til yi q'uixc'uj yi ate' cu'nt yi e' yi buchij che'.
13 I bin jalu' Ta', elk k'ajabu' swe'j.
14 Kol chin colu', cho'n chinxcyek cu'n swutz yi sawanil Jerusalén tan xtxole'n scyetz cyakil wunak, yi ntin cu'n ilu' balaj.
15 Ma yi e' mal naka'tz, ja bnix e'chk jul cyak'un tan incwe'n klo' tul, poro e' te'n nchicu' tul.
16 Tan yi xtxolbila'se'j, ja lajluchax yi ẍchamil Kataj.
17 Na jun cu'n yol, cyakil yi e' mal nak, scyuch' cyakil yi e' yi ja cyaj quilol Ryos, cho'n chopon cyera'tz tq'uixc'uj.
18 Poro yi e' tal prow, yi qui na el Ryos te chic'u'l, at nin i'-tz tan quich'eye'n.
19 Wajcaw oku' il te'j.
20 Che' xo'wse'u' Ta'.