1 Wajcaw, yi ilu' pstor ketz yi o' xonl Israel, tbitzaju' yi cobox inyole'j:
2 Je wajbile'j Ta':
3 Ilu' kaRyosil, lok tak'u' ama'l tan koque'n junt tir chi kasajle'n.
4 Kataj, cya'l na xcye' quen te'ju'.
5 Jatix nin lo' bis o'kl tak'u' sketz.
6 Ja ko'c tetz chiyolbe'tz yi e' kawisin.
7 Ilu' kaRyosil. Cya'l na xcye' quen te'ju', na wi'nin ẍchamilu'.
8 Tan yi poreru', e' eltzaj tcy'alu' yi e' kamam kate' le ama'l Egipto.
9 Ja chicu' tawalu' chi jun wi' uva.
10 Yi jun wi' uvaja'tz ja ch'uy, nin ja icy' cu'n swutz cyakil jilwutz tze'.
11 Nin ja opon cu'n yi e'chk k'ab jalen tzi mar.
12 Ta' ¿mbi xac ntak'u' ama'l tan cwe'n xit yi pe'm?
13 Ncha'tz yi smaron txuc, chi tane'n stze'laj boch, na chitzan tan bajse'n yi jun wi' uvaja'tz.
14 Ilu' kaRyosil yi cya'l na xcye' quen te'ju', nin yi atu' tzi'n tcya'j, elk tzaj to'kl c'u'lu' te yi jun wi' uvaja'tz yi tzan tele'n cu'n swutz.
15 Na ilu' bin awal tetz.
16 Cha'stzun te, che'lk cu'n tanu' swutz, cyakil yi e' yi na chitzan tan tamle'n nin tan stz'e'se'n yi jun wi' uvaja'tz.
17 Poro ẍch'eyaju' yi jun yi je'nak xtxa'olu', yi jun yi ja xlumin tanu', nin yi ilu' mbixban.
18 Qui't kajatxlen kib te'ju', ma na tak' tzaju' kabanl.
19 Ilu' Kataj, ilu' kaRyosil yi cya'l na xcye' quen te'ju'.