1 Axwok intanum, xomenwok te wetz inchusu'n.
2 Xconk cobox elsawutzil wa'n tan ichusle'n.
3 Na cyakil yi e'chk xtxolbil yi nkubit, cho'n nkubit scye'j e' kataj katxu'.
4 Ncha'tz o' ketz, tajwe'n tan katxolil scyetz e' kanitxa'.
5 Na tak'nak Ryos jun ca'wla'tz tetz Jacow.
6 Na yi tajbil Ryos i'tz, tan tele'n chitxum yi e' wunak yi xomche' tzaj, nin tan cyalol cyetz scyetz chinitxa'.
7 Bantz k'ukewe'n chic'u'l te Ryos, nin bantz qui tele'n te chic'u'l yi ẍe'n cu'n ban i' sajle'nix tunintz.
8 Ncha'tz tajwe'n tan chichusle'n, bantz quil tze'tzax yi cyajtza'kl, chi banake' yi chimam chite', yi quinin k'uke' chic'u'l te yi yol i', nin yi ja cabej chic'u'l te'j.
9 Na ya'stzun banake' yi e' xonl Efraín.
10 Quinin nchixom te yi chiyol yi e' suk tetz Ryos.
11 Ncha'tz el te chic'u'l yi porer Ryos.
12 Na wi'nin e'chk milawr bnixnak tan Ryos,
13 Na ja cu' jatxol i' yi mar. Cob cuntu' el ta'n.
14 Nin yi chixone'n tbe', yi cyele'n tzaj Egipto, bajxij jun boc'oj sbak' ẍchiwutz chajk'ej.
15 Nin te yi ate' le ama'l tz'inunin tu', ja el tzaj a' tan Ryos wutz c'ub. Nin ja chuc'a' te'j.
16 Na ja el tzaj jun chin wutzile'n tzanla' tan Ryos wutz yi jun c'uba'tz.
17 Ja quil yi e'chk milawra'tz yi bnix tan Ryos.
18 Ja cho'c tan pile'n i'.
19 Ja cho'c tan telse'n k'ej Ryos.
20 Bintzinin, ja xcye' Ryos tan telse'ne'l tzaj a' wutz c'ub, yi ja xcye' tan sijle'n wi'nin ama'l.
21 Yi tbital Ryos cyakil yi xtxolbila'tz, ja saj colp wi' i' scye'j.
22 Ja chiquim tan paj yi quinin k'uke' chic'u'l te Ryos, nin ja chiquim tan paj yi quinin k'uke' chic'u'l te yi tetz porer.
23 Poro yi Kataj Ryos ilenin ja el k'ajab i' scye'j, na ja cawun i', nin ja jakxij yi tcya'j ta'n.
24 Nin saj tk'ol jun jilwutz ixi'n scyetz, yi maná bi', yi cho'n saje'n tcya'j, tan chiwane'n te'j.
25 Ja tzun chiwan te chiwa' yi e' ángel.
26 Ncha'tz tan yi tetz porer ja saj jun chumam cyek'ek' ta'n.
27 Cy'a'n jun c'oloj tz'ichin tan yi cyek'ek'a'tz.
28 Cho'n cunin ban yi tajlal chi yi samlicy' tzi mar.
29 Ja baj cya'n jalen cu'n micy' chipaj te'j.
32 Poro quinin chixob tetz Ryos.
33 Cha'stzun te e' cwe'n sotzal Ryos.
34 Ma yi toque'n Ryos tan chibiyle'n cobox, ilenin at e' yi ja cu'-t chiwutz tetz.
35 Nin ja ul tx'akx chic'u'l, yi i'tz Kataj Ryos yi colol cyetz.
36 Poro yi e' cyetz, ilenin chiwutz tu' chiplaj tu' tu chiyol.
37 Nk'e'tz tz'aknak cu'n e' tu chijilon.
38 Ma Kataj Ryos, ilenin ja el k'ajab i' scye'j.
39 Na ja nachon i' te'j, yi e' tu' wunak, yi ni'cu'n e' tu cyek'ek' yi na icy', nin qui't na ul junt tir.
40 Jat lo' tir e' oc tan contri'n te Ryos le yi ama'l yi tz'inunin tu'.
41 Ilenin e' oc tan pile'n Ryos.
42 Qui't na ul tx'akx yi porer i' ẍchic'u'l.
43 Qui't mmu'l tx'akx ẍchic'u'l yi e'chk techl, yi ẍchaj i' scyetz te yi ate' tzaj Egipto.
44 Wech ja oc cyakil yi tzanla' tetz chich'.
45 Ej nin saj ẍchakol jun c'oloj ne'ẍ us tan chixuxe'n yi e' aj Egipto.
46 Nin tak' i' ama'l scyetz sac' tan bajse'n yi wutz yi cyujul, nin tan po'tze'n chitx'otx'.
47 Nin ja saj jun chin c'ub a'bal ta'n, tan puch'le'n cyakil yi e'chk wi' uva yi awij cya'n.
48 Nin ja chibaj quim cyakil cyawun.
49 Ja saj colp wi' Ryos scye'j yi e' aj Egiptoja'tz.
50 Ja ticy'saj i' c'u'l scye'j, na quinin cuy i' chipaj.
51 Na e' baj quim len cyakil yi bajx chinitxajil yi e' aj Egiptoja'tz ta'n.
52 Poro tan yi banl talma' i', ja che'l tzaj tcy'al yi e' tetz tanum.
53 Xomij nin i' tan chiq'uicy'le'n tan qui chixobe'n.
54 Nin ja chu'l tcy'al yi tetz tanum, le ama'l yi chin xan nin yi suki'nt ta'n scyetz.
55 Nin ẍchiwutz cunin yi e' tetz tanum, ja che'l lajul yi e' mal naka'tz.
56 Poro yi e' tetz tanuma'tz, nintzun e' oc tan pile'n.
57 Ma yi e' yi nchopon Canaán, ni'cu'n nin nchiban chi banake' yi e' chimam chite', na ja cyaj cyen quilol Ryos, nin quinin k'uke' chic'u'l te'j.
58 Nin ja cyak' chi'ch c'u'lal tetz Ryos, na ja cho'c tan c'u'laje'n e'chk muyc, nin ja cho'c tan c'u'laje'n e'chk ryos yi banij cuntu' quitane'n.
59 Yi tilol Ryos cyakil e'chk xtxolbila'tz yi na katzan yi o' xonl Israel tan banle'n, ja che'l lajul i' tcwent.
60 Nin ja cyaj cyen tilol i' yi tetz ca'l yi at le ama'l Siló.
61 Ej nin ja tak' i' ama'l scyetz yi e' contr tan chicambal yi caẍa',
62 Nin yi saje'n colpuj wi' i' scye'j yi e' tetz tanum, ja tak' i' ama'l tan chiquime'n ẍchik'ab yi e' chicontr.
63 Ja chiquim yi e' xicy tk'ak'.
64 Ncha'tz yi e' pale', ja chiquim tan spar, nin quinin e' ok' yi quixkel nka chixonl scye'j.
65 Poro yi tele'n k'ajab Ryos scye'j, ja jal walor chi na jal kawalor yi na el kawatl.
66 Na nin oc i' tan oyintzi' scyuch' chicontr.
67 Poro el chik'ej yi e' xonl Ẍep ta'n, na quinin e' je' xtxa'ol yi e' tu Efraín, yi xonl Ẍepa'tz.
68 Ma na i yi e' xonl Judá, e' je' xtxa'ol tan q'uicy'le'n yi caẍa' kale atit yi ca'wl Ryos.
69 Cho'n tzun bnixe'n yi tetz ca'ltz le jun ama'la'tz.
70 Ncha'tz je' xtxa'ol i' yi Luwiy tetz ẍchakum.
71 Ja je' xtxa'ol, tan xcone'n tan chiq'uicy'le'n yi e' tetz tanum, nin tan xcone'n tetz chibajxom.
72 Tetz cu'n talma' Luwiy yi mo'c tan chiq'uicy'le'n.