1 Ja el chitxum cyakil yi e' aj Judá tetz yi na' scyetz i' Ryos.
2 Nin yi tetz ca'l, cho'n at le tnum Jerusalén, yi cho'n at wi'wtz Sión.
3 Cho'n chilo'one'n yi e' tetz contr ta'n le yi jun wi'wtza'tz.
4 Wajcaw, chumbalaj nin banl talma'u'.
5 Poro ja el chik'ej yi e' yi na cyocsaj quib chin cham nin e'.
6 Nin yi na cawunu' Ta', yi ilu' Ryosil k'ajtzun Jacow, qui'c jun yi qui'k na xob teru', na nicy' nin yi e'chk care't tu e'chk chej, qui't na chixon yi na jilonu'.
7 Wajcaw, chin xo'wbil nin wutzu'.
8 Na cho'n na cawun tzaju' jalen tzi'n tcya'j, nin cyakil yi e' yi ate' wuxtx'otx' na chixob, nin qui'c na chibane'n swutzu'.
9 Poro Ta', ¿tona' tz'ocu' tan chicolche'n, yi e' tal prow yi buchijche', yi ate' bene'n tzi'n wi munt?
10 Yi na chi'ch chic'u'l wunak te'ju', ilenin na jal k'eju' ta'n.
11 Ma jalu', ba'n yi kol chisuku' jun chiyolu' tetz Kataj yi kaRyosil, poro tajwe'n yil che'l cu'nu' te'j.
12 Na yi Kataj i' yi wi'tz Ajcaw.