1 Cyakil e'u' yi ate'u' bene'n tzi'n wi munt, cyak'e'u' chik'ajsbilu' tetz kaRyosil.
2 Chibitziju' balaj bitz swutz i'.
3 Cyale'u' tetz Kataj yi xtxolbile'j:
4 Cyakil wunak bene'n tzi'n wi munt scyak'e' k'eju'.
5 Ma jalu' quibit tzaju' yi e'chk takle'n balaj yi mbnix tan Ryos skaxo'l yi o' wunak.
6 Na ja cu' jatxol yi mar yi quicy'e'n tzaj yi e' kamam kate' tc'u'l.
7 Kak'e' k'ej Kataj na na cawun bene'n tzi'n, nin scawunk sbne' opon tunintz.
8 Cyakil e'u' wunak yi ate'u' bene'n tzi'n, cyak'e'u' chik'ajsbilu' tetz.
9 Na tan i' itz' o' jalu', na quinin tak' i' ama'l sketz tan kalo'one'n.
10 Ma jalu' Ta', ilenin na ocu' tan kapile'n chi na bajij te jun piẍ sakal yi na oc pile'n tk'ak'.
11 Ja tak'u' ama'l tan kacwe'n le tramp.
12 Ej nin ja tak'u' ama'l tan chixone'n wunak squibaj.
13 Ma jalu' nchimben le templo, nin tzimpate' intx'ixwatz teru'.
14 Na insuknak inyol teru' te yi atin tul sotzaj c'u'lal.
15 Tzimpate' intx'ixwatz swutzu'.
16 I bin jalu', cyakil e'u' yi na cyeku' ẍchi' Ryos, quibitzaju' cobox inyol, na swale' scyeru' yi mbi mban Ryos swe'j wetz.
17 Ja cu' inwutz tetz, nin ja tbit i' intzi' inkul.
18 Yi atk e'chk yab ajtza'kl le intxumu'n, qui tzun klo' ntbit i' yi intzi' inkul.
19 Poro ja tbit i' cyakil yi minjak tetz tul inoración.
20 Ntyoẍ bin tetz Kataj Ryos yi ja tbit yi intzi' inkul, na quinin cabej c'u'l yi ntak' yi banl talma' swibaj.