1 Wajcaw, ilu' inRyosil.
2 Chin cole'u' ẍchik'ab yi e' mal nak.
3 Elk bin k'ajabu' swe'j Ta', na at wi'nin e' yi chin cham nin e', yi na chitzan tan joyle'n puntil tan imbiyle'n.
4 Wajcaw, tzinwutz wetz cya'l cunin na impajwit ca'wlu'.
5 Na yi ilu' teru', ilu' kaRyosil yi cya'l jun na xcye' quen te'j.
6 Na yi na chu'l tzone'j lak'bal, ni'cu'n na chiban chi na chiban tx'i' tan wojo'n lak'bal.
7 Ej nin te yi na cho'jkel, na swokin chitzi' nin nternin na chixcy'aklin.
8 Poro yi ilu' Ta', na tilu', nin na tbitu', cyakil yi mbi na chiban yi e' mal naka'tz.
9 Nin cho'n k'uklij inc'u'l te'ju', na yi ilu' teru', ilu' inRyosil.
10 Na tan tu' banl talma'u', tz'ulu' tan wuch'eye'n.
11 Qui'k tz'el k'ajabu' scye'j, bantz quilol yi e' intanum, nin quil tz'el te chic'u'l yi mbi sbajok scye'j.
12 Na yi e'a'tz, chin juchul il nin e', na qui'c nin ba'n te chijilon.
13 Che'lk cu'n tanu' swutz.
16 Poro yi in wetz Ta', swak'e' ink'ajsbil teru' cyakil jalchan.
17 Cha'stzun te swak'e' ink'ajsbil teru' ilu' Wajcaw, na ntin ilu', atu' tan wuch'eye'n, nin wi'nin na pek'u' swe'j.