1 Ilu' inRyosil, tbite'u' yi intzi' inkul.
2 Tbite'u' bin cobox tal inyol.
3 Na na chinxob yi na wit yi na chiẍch'in yi e' incontr wutz incoc.
4 Yi walma' na chucne' tan xo'wl.
5 Chin xo'wbil nin wutane'n ẍchik'ab incontr.
6 At na ban cu'nt na intxum, yi chumbalaj nin klo', yi atk inxicy' chi tane'n jun plomẍ, tan wele'n ojk ẍchiwutz yi e' incontra'tz, bantz inclaxe'n.
7 Ba'n klo' ne'l ojk ẍchiwutz.
8 Swewe' wib swutz yi tojkbil yi cyek'ek'.
9 Poro Ta', xitcunu' yi cyajtza'kl yi e' incontra'tz.
10 Qui'c jun ba'n ẍchixo'l, na e' len cu'n juchul il.
11 Ntin na cho'c tan kasuble'n, nin tan kabiyle'n.
12 Poro nk'e'tz jun awer nak yi wetz incontr, yi na tzan tan inxuxe'n.
13 Ma na i'tz aẍ, yi junit o' tzawuch', yi kamiw kib tzawuch', yi nternin na ke'l na ko'c tzawuch'.
14 Ncha'tz, junit nxka'k tzawuch' tan c'u'laje'n Ryos le templo.
15 Poro na klo' waj yi ẍe'nk chiquim e' incontra'tz.
16 Ma in wetz copon inwutz tetz inRyosil, nin jun cu'n ẍchinclaxok ta'n.
17 Sk'ejl nin lak'bal copon inwutz tetz.
18 Nin kol chimben tan oyintzi', i' tz'ocopon tan incolche'n tan qui inquime'n.
19 Yi wetz inRyosila'tz, ilenin na tbit intzi' inkul, na itz' i' tetz ben k'ej ben sak.
20 Na na cho'c tan chibiyle'n yi mero cyamiw.
21 Nin yi na chijilon yi e' wunaka'tz, chumbalaj yol na xcon cya'n.
22 Mas balaj kak'e' cyen tircu'n yi bis o'kl yi na ul skawutz tk'ab Ryos, na list i' tan kaquiwse'n.
23 Poro Ta', na el intxum tetz yi e' subul nak, scyuch' yi e' biyol nak.