1 Wajcaw, cho'n k'uklij inc'u'l te'ju'.
2 Ajk cuntzaj wi'u' tan tbite'n inyol.
3 Wajcaw, ntin ilu' colol wetz.
4 Ma jalu' Wajcaw, chin tcy'ajlenu' tzone'j.
5 ¡Ta'! wabnaj walma' tk'abu'.
6 Qui na chimpek' scye'j yi e' yi na cho'c tan c'u'laje'n yi e'chk ryos yi banij cuntu', na cho'n k'uklij wetz inc'u'l te'ju'.
7 Ta', na chintzatzin tan yi banl talma'u' yi at swibaj, na ja tilu' yi ja chimbisun, nin ja tilu' yi ja ul sotzaj c'u'lal tzinwutz.
8 Poro quinin ntak'u' ama'l scyetz e' incontr tan cyoque'n tan imbiyle'n.
9 Wajcaw, elk bin k'ajabu' swe'j, na atin tul sotzaj c'u'lal, na ja wi't lo'on inwutz tan bis o'kl.
10 Tzan imbi'ẍine'n tan yi ẍch'onal cyakil yi e'chk takle'na'tz.
11 Ja wi't no'c tetz chitze'lbe'tz e' incontr.
12 Ja ne'l te chic'u'l chi jun yaj yi quimnakt.
13 Nin na wit yi mbi na chitzan wunak tan xtxumle'n swe'j.
14 Poro Wajcaw, yi in wetz, cho'n k'uklij inc'u'l te'ju'.
15 Cho'n atin tk'abu'.
16 Elk k'ajabu' swe'j na in ẍchakumu'.
17 Wajcaw, cho'n na cu' inwutz teru'.
18 Nink chiquim, bantz makxe'n chitzi' yi e' la'ja'tz, yi na chiyol yi e'chk yol yi chin cachi' nin, nin yi na cho'c tan chisuble'n yi e' balaj wunak.
19 Chumam nin banl talma'u' squibaj yi e' yi na cyak' k'eju'.
20 Nin na che' ẍch'eyaju' tk'ab e'chk takle'n cachi' yi na chitxum wunak scye'j.
21 Ntyoẍ tetz Kataj na tan tu' yi banl talma' i' ja bnix e'chk takle'n balaja'tz swe'j yi mmu'l sotzaj c'u'lal tzinwutz.
22 Wajcaw, tan paj yi il yi atin cu'n sajle'n, ja no'c tan xtxumle'n yi ja ne'l te c'u'lu'.
23 Cyakil axwok yi na itek ẍchi' Kataj, ak'wok k'ej i', na na oc i' tan quich'eye'n yi e' yi skoj cu'n te cyalma'.
24 Quiwit bin, nimit chic'u'lu', yi e'u' yi cho'n k'uklij chic'u'lu' te yi Kataja'tz.